تستمع الآن

بنشجع أمهات مصر”.. الطريقة المناسبة للحديث مع الأطفال عن الطلاق”

الثلاثاء - ٣١ يوليو ٢٠١٨

أعلن مركز المعلومات ودعم اتخاذ القرار بمجلس الوزراء أن مصر احتلت المرتبة الأولى عالميا في نِسب الطلاق.

وقالت مدربة الحياة ياسمين الدالي الطريقة المناسبة لإبلاغ الأطفال بالطلاق هي عدم تشويه صورة الطرف الآخر أمام الطفل لأن هذا يعني إنهيار أحد العمودين الذين يستند عليهم الطفل في حياته.

وأكدت ياسمين الدالي خلال حوارها مع رنا خطاب في برنامج “بنشجع أمهات مصر” على نجوم إف إم “لازم ماتكلمش وحش عن الطرف التاني، وأفهم الأطفال إن الأب أو الأم كويسين  لكن احنا شخصيات محتلفة وماحصلش اتفاق بيننا لكن هنفضل على تواصل عشانكم”.

وأضافت “أحكيلهم إيه اللي هيحصل الفترة اللي جاية عشان أحسسهم بنوع من الأمان ومايفضلوش في حيرة وماسيبهمش لخيالهم. لو الأب هو اللي بيخرج من البيت أقولهم إن الأب هيروح يقعد في المكان الفلاني واحنا هنفضل هنا أو العكس. والطريقة طبعا بتختلف على حسب المرحلة العمرية للطفل”.

 ياسمين الدالي ورنا خطاب
ياسمين الدالي ورنا خطاب

وتابعت “الطلاق لازم يحصل بشكل تدريجي يعني مثلا أبدأ أفهمهم إن في اختلاف بيننا وبعدين أشرحلهم الوضع وأقولهم إن في طرف هيمشي من البيت لكن هيفضل في تواصل ويحاول الأب مايختفيش فجأة من حياتهم عشان مايتخضوش وروتين حياتهم مايتغيرش فجأة من غير ما يكونوا فاهمين. وأوضحلهم إن إحنا هنفضل عيلة حتى لو عايشين في أماكن مختلفة”.

وعن رد فعل الأبناء على الطلاق في المراحل العمرية المختلفة قالت “في السن الصغير الأطفال ممكن يفضلوا يسألوا كل شوية نفس السؤال ويحاولوا يفهموا اللي بيحصل. لكن في مرحلة المراهقة غالبا بيبقى رد الفعل عبارة عن غضب ورفض، وبرغم كدة إلا إن بيكون أسهل إنك تفهمهم في السن ده الوضع والأسباب خصوصا إنهم بيكونوا أصلا واخدين بالهم أو عارفين إن في مشكلة”.

أما عن طريقة معرفة الحالة النفسية للطفل قالت “أعرف نفسية الطفل إزاي لو سألته مين عيلتك وسكت أو لو قال إجابة مافيهاش واحد من الأب أو الأم، كدة يبقى في مشكلة، لأن الصح إنه يقول إجابة فيها الأب والأم”.


الكلمات المتعلقة‎


مواضيع ممكن تعجبك