تستمع الآن

أعراض الإجهاد الحراري وكيفية علاجه وتجنبه

الخميس - ٢٦ يوليو ٢٠١٨

يتعرض أغلب الناس للإجهاد الحراري في فصل الصيف خاصة مع الارتفاع المستمر لدرجات الحرارة.

قال الدكتور هشام الخياط أستاذ أمراض الكبد والجهاز الهضمي زميل جامعة هارفارد، إن هناك عدة أعراض للإصابة بالإجهاد الحراري أهمها الشعور بالغثيان والصداع وزيادة التعرق والإحساس بالإعياء. مشيرا إلى أنه يجب التوجه إلى مكان به ظل فور الشعور بتلك الأعراض، وشرب سوائل باردة وإذا أمكن الاستحمام.

وأضاف الدكتور هشام الخياط خلال حواره مع رنا خطاب في برنامج “بنشجع أمهات مصر” على نجوم إف إم “لما بنتعرض لشمس ودرجة حرارة عالية بيبدأ العرق يزيد ويحصل اتساع في الأوعية الدموية بيسبب إحمرار، وده بيحصل عشان المخ يقلل حرارتنا ويحافظ على درجة الحرارة الطبيعية اللي هي 37 درجة”.

وأوضح “لو الإجهاد الحراري ماتحلش بسرعة ممكن يسبب ضربة شمس وهي إن الجسم يفشل في تقليل درجة الحرارة وده لو ماتعالجش بسرعة ممكن يعمل سكتة دماغية”.

دكتور هشام الخياط أستاذ أمراض الكبد والجهاز الهضمي وزميل جامعة هارفارد
دكتور هشام الخياط أستاذ أمراض الكبد والجهاز الهضمي وزميل جامعة هارفارد

كيفية تجنب التعرض للإجهاد الحراري

وعن تجنب التعرض للإجهاد الحراري قال “أكتر من يتعرض للإجهاد الحراري هم العمال اللي شغالين في الشمس، عشان كدة يفضل ارتداء ملابس فضفاضة وألوانها فاتحة خاصة الأبيض لأنه يعكس الحرارة ولا يمتصها وشرب سوائل كتير، وتجنب شرب القهوة والشاي واستبدالهم بالعصائر”.

وتابع “يفضل عدم تعرض الأطفال للشمس المباشرة خاصة خلال وقت من 12 ظهرا لـ 4 عصرا، لأن الأطفال مش بيحسوا بإجهاد حراري وبيدخلوا على ضربة شمس على طول. كمان الجلوس في التكيفات لفترة طويلة ثم التعرض للشمس يعرض الجسم لنزلة برد وإعياء”.

وأردف “الأطفال معندهمش مناعة قوية زي الكبار، عشان كدة يفضل منأكلش الأطفال وجبات سريعة لتجنب حدوث النزلات المعوية اللي بتأدي في النهاية لحدوث جفاف عند الأطفال. ومهم كمان أشرّب الطفل عصاير ومياه كتير خاصة في الصيف لتجنب حدوث الجفاف”.

وعن ظهور الصفراء عند الأطفال قال “ظهور الصفراء عند الطفل مالوش علاقة بطريقة الولادة سواء قيصرية أو طبيعية. ولازم نسبة الصفراء ماتعلاش عن النسبة اللي بتأثر على المخ اللي هي 15، لكن طول ما هي أقل من 10 مفيش خطورة خالص”.


الكلمات المتعلقة‎


مواضيع ممكن تعجبك