تستمع الآن

النزلات المعوية وحساسية العين والجدري المائي أكثر الأمراض الصيفية انتشارا عند الأطفال

الخميس - ٢٨ يونيو ٢٠١٨

قال الدكتور محمد سعيد، أخصائي طب الأطفال وحديثي الولادة وعضو الجمعية المصرية لطب الأطفال، أن من أكثر الأمراض التي تنتشر في فترة الصيف هي النزلات المعوية، وحساسية الجلد والعين، بالإضافة إلى الجدري المائي.

وأضاف الدكتور محمد سعيد، خلال حواره مع رنا خطاب في برنامج “بنشجع أمهات مصر” على نجوم إف إم “أكتر أمراض الصيف المنتشرة هي النزلات المعوية، عشان الأطفال بمجرد ما بيخلصوا مدرسة بيبقوا عايزين ياكلوا وجبات سريعة، وكمان بسبب انتشار فيروس الروتا اللي بيسبب مضاعفات كبيرة زي الإسهال المتكرر. وحساسية العين أو الرمد الربيعي بيزيد أيضا في الصيف بسبب إن بعض الأطفال بيبقى عندهم حساسية في العين من الشمس، وكمان في أطفال بيبقى عندهم حساسية في الجلد من الشمس، ودي بتظهر أو بتزيد في الصيف بسبب زيادة نسبة التعرض للشمس خاصة أثناء المصايف”.

أعراض الجدري المائي

وأضاف “من أهم الأمراض الصيفية هو مرض الجدري المائي، ومن أعراضه الرشح وارتفاع الحرارة بعد كدة بيحصل طفح جلدي. وأحيانا يسبب عدوى بكتيرية في الجلد بسبب الحكة. ويفضل إن الطفل اللي عنده الجدري يبتعد عن السيدات الحوامل خاصة في أول شهور الحمل، لأنه ممكن يسبب تشوه في الأجنة أو حدوث إجهاض، ويبتعد أيضا عن كبار السن فوق الـ 60 عاما”.

رنا خطاب ودكتور محمد سعيد
رنا خطاب ودكتور محمد سعيد

كيفية زيادة مناعة الطفل

وفي سؤاله عن حساسية الألبان قال “حساسية الألبان بتتحسن بنسبة كبيرة عند سن السنة الأولى، ويفضل استمرار المتابعة مع الدكتور اللي شخص الحالة على إنها حساسية الألبان”.

أما عن التأخر في المشي والتسنين عند الأطفال قال “الطفل مابنقولش عليه اتأخر في التسنين غير لو عدى سن السنة من غير ظهور ولا سنة، ومش بنقول عليه اتأخر في المشي غير لو قعد لحد سنة ونصف مش بيمشي”.

وعن طرق زيادة المناعة عند الأطفال قال “مفيش دواء اسمه بيزود مناعة الأطفال، أهم شئ بيحافظ على المناعة هي النظافة، نظافته الشخصية ونظافة ألعابة وملابسه، والرضاعة الطبيعية من أهم الحاجات اللي بتحافظ على مناعة الطفل طول عمره، وبعد كدة الحفاظ على الأكل الصحي لما يبدأ ياكل، كمان التهوية الجيدة ضرورية، وأيضا ممارسة الرياضة بشكل مستمر من الصغر”.


الكلمات المتعلقة‎


مواضيع ممكن تعجبك