تستمع الآن

المخرج بيتر ميمي يعلن فيلمه الجديد “حملة فرعون” وعلاقته بـ”شمس الزناتي”

الثلاثاء - ٢٦ يونيو ٢٠١٨

أعلن المخرج بيتر ميمي عن دخوله عام 2019، بفيلمين جديدين، مستبقا أحاديث رواد مواقع التواصل الاجتماعي بالحديث عن أحدهم والذي سيكون بعنوان “حملة فرعون”.

وكتب بيتر عبر حسابه على موقع إنستجرام: “المفروض إن شاء الله عندي فيلمين الفترة اللي جاية وحبيت اقول كلمتين قبل الخبط والرزع والهبد والهرتلة بتاعة العيال الجامدة”.

وأضاف: “سنة 1954 تم إصدار فيلم (الساموراي السبعة) في اليابان من إخراج (أكيرا كوروساوا) بيحكي عن قرية يحكمها قطاع الطرق وأهلها استعانوا بشخص قام بتنجيد ستة رجال آخرون لمحاربة العصابات، وسنة 1960 قام المخرج الأمريكي (چون ستورجس) باقتباس القصة في فيلمه (العظماء السبعة) the magnificent seven لـ(يول براينر) و(ستيڤ ماكوين) بس الموضوع بقى رعاة بقر وكده”.

المفروض ان شاءلله عندى فيلمين الفترة اللى جاية و حبيت اقول كلمتين قبل الخبط و الرزع و الهبد و الهرتلة بتاعت العيال الجامدة فشخ/ ١- سنة ١٩٥٤ تم إصدار فيلم (الساموراى السبعة) فى اليابان من إخراج (اكيرا كوروساوا) بيحكى عن قرية يحكمها قطاع الطرق و اهلها استعانو بشخص قام بتنجيد ستة رجال اخرون لمحاربة العصابات. ٢- سنة ١٩٦٠ قام المخرج الامريكى (چون ستورجس) بإقتباس القصة فى فيلمه (العظماء السبعة) the magnificent seven ل(يول براينر) و (ستيڤ ماكوين) بس الموضوع بقى رعاة بقر و كده ٣- سنة ١٩٨٠ المخرج (چون موركامى) اقتبس الفكرة لكن فى الفضاء فى فيلم)battle beyond the stars) ٤- سنة ١٩٩١ تم اصدار فيلم (شمس الزناتى) للمخرج (سمير سيف) و من تأليف (مجدى هداية) بطولة (عادل امام) و (محمود حميدة) ٥- سنة ٢٠٠٤ تم إصدار مسلسل الكرتون (الساموراى السبعة) فى اليابان ٦- سنة ٢٠١٦ تم إصدار فيلم (العظماء السبعة) من إخراج (انطوان فوكوا) بطولة (دنزل واشنطن) و تأليف (ريتشارد وينك) المهم انا مش عايز اقول ان فكرة ال (remake) او الاقتباس موجودة بس عايز اقول ان فى ٢٠١٩ ان شاءلله استنو فيلم (حملة فرعون) مستوحى من الساموراى السبعة و ان شاءلله مفترض يكون اضخم انتاج فى ٢٠١٩ ربنا يكرم و يكون عمل محترم و شكل مختلف من افلام الاكشن #بتعرف_تعد_لحد_كام #سنغزو_العالم

A post shared by بيتر ميمى (@petermimii) on

وواصل “ميمي” ذكر عدد من الأفلام المؤثرة والمهمة في مصر وخارج مصر والتي اقتبست من هذه الأفلام، مع ذكر أبرز أبطالها، ومنها فيلم”العظماء السبعة” لدنزل واشنطن، وفيلم “شمس الزناتي” لعادل إمام عام 1991. يذكر أن موسيقى “شمس الزناتي” كانت من تأليف هاني شنودة.

واختتم قائلًا: “المهم أنا مش عايز أقول إن فكرة الـ(remake) أو الاقتباس موجودة، بس عايز أقول إن في 2019 إن شاء الله استنوا فيلم (حملة فرعون) مستوحى من الساموراي السبعة وإن شاء الله مفترض يكون أضخم إنتاج في 2019، ربنا يكرم ويكون عمل محترم وشكل مختلف من أفلام الأكشن”.

يذكر أن المخرج بيتر ميمي شارك في رمضان 2018 بمسلسل “كلبش 2” مع أمير كرارة وحقق نجاحا ملحوظا.


الكلمات المتعلقة‎


مواضيع ممكن تعجبك