تستمع الآن

“ع السفرة”.. وصفة مخصوصة لعمل “فراخ بانيه” و”بسبوسة بالبرتقال”

الجمعة - ٢٥ مايو ٢٠١٨

قدم الشيف ميدو عبر برنامج “ع السفرة” مع يارا الجندي، على إذاعة “نجوم إف إم”، اليوم الإثنين، طريقة عمل “فراخ بانيه” و”بسبوسة بالبرتقال”.

وتقوم فكرة “ع السفرة” على استضافة شيف مختلف في كل حلقة ويقدم أفكارًا لأكلات سهلة وسريعة بأبسط المقادير لتجهيز الإفطار والسحور في رمضان، والبرنامج سيكون من تقديم يارا الجندي.

وقال الشيف ميدو: “على قدر ما نحن معتادين على عمل الفراخ البانيه، ولكن لها تكنيك وطريقة مخصوصة لكي تخرج بطريقة أحلى”

المكونات:

2 صدور فراخ

200 جرام بقسمات خشن

100 جرام لوز مفروم

50 جرام جبنه بارميزان

50 جرام دوريتوس (اختياري)

نصف كوب دقيق

2 بيضة

500 مل زيت ذرة أو عباد شمس

الطريقة:

1-الأول نجهز الفراخ ممكن نقطع كل صدر قطعتين رفيعتين أو كل صدر يتدق رفيع.

2-لازم نجهز المراحل اللي هنعدي عليها الفراخ قبل التحمير، أول طبق فيه دقيق، تاني طبق البيض، والثالث مكس البقسماط واللوز والجبنة البارميزان.

3-الأول الفراخ بنديها طبقة خفيفة من الدقيق، بعد كده نحطها في البيض وبعدين في البقسماط.

4-نسخن الزيت على درجة حرارة 170، وننزل فيها صدور الفراخ ونحمرها من 5 إلى 7 دقائق على كل ناحية لحد ما لونها يبقى بني فاتح.

بسبوسة بالبرتقال:

المكونات

2 باكو بسبوسة مكس

2 برتقال بسرة

2 علبة زبادي

100 جرام زبدة

1/2 كوب سكر

الطريقة:

1-نسخن الفرن على درجة حرارة 180

2-نبشر برتقالة من الاثنين

3-نخلط الموكونات بتاعت علبة البسبوسة مع الزبادي والزبدة وبشر البرتقالة ونحط الخليط في صينية 30 سم وبسكينة نقطعها سامبوكسات وتدخل الفرن.

3-نقشر البراتقالة الثانية ونطقع القشرة شرائح رفيعة ونسلقها على نار هادئة لحد ما تطرى، نضيف ربع كوب سكر ونسيبها تكمل سوى على نار هادئة.

4-نعصر البرتقال ونضيف له ربع كوب سكر وبعدين نغليه غلوة سريعة مع شرائح القشر لحد ما السكر يدوب.

5-بعد ما نطلع البسبوسة من الفرن ويكون عصير البرتقال برد، نصبه على البسبوسة ونستخدم شرائح البرتقال لتزيين الوش.


الكلمات المتعلقة‎


مواضيع ممكن تعجبك