تستمع الآن

“ع السفرة”.. طريقة سهلة لعمل “مكرونة بالسجق والموزاريلا” و”كيكة القهوة”

الجمعة - ١٨ مايو ٢٠١٨

صينية المكرونة بالسجق والجبن الموزاريلا، وصفة الباستا بالسجق والفطر شهية جداً ومغذية وستحبها العائلة في شهر رمضان بالتأكيد.

واستضافت يارا الجندي في ثاني أيام شهر رمضان الشيف أسماء هشام، في برنامج “ع السفرة” والذي يذاع الساعة 4:15 قبل الإفطار، وتقوم فكرة البرنامج على استضافة شيف مختلف في كل حلقة يقوم بإعداد أكلات صحية وشهية ويقدم أفكارا لأكلات سهلة وسريعة بأبسط المقادير لتجهيز الفطار والسحور في رمضان، وقدمت لنا اليوم طريقة سهلة لعمل “مكرونة بالسجق والموزاريلا”.

المقادير:

كيس مكرونة فرن

بصلة كبيرة مقطعة شرائح

2 فلفل ألوان (أصفر وأخضر) مقطع شرائح.

2 فص ثوم مفروم

1/2 كيلو سجق شرقي مقطع نصفين

2 كوب طماطم بيوريه

كوب جبنة موزاريلا مبشورة

1/2 ملعقة زبدة

ملعقة صغيرة من ملح وفلفل وبودرة ثوم ورشة جوزة الطيب.

الطريقة:

اسلقي المكرونة حسب إرشادات العبوة.

في طاسة غويطة على نار عالية حطي الزبدة وبعدين البصل وشوحيه لحد ما لونه يبقى أصفر بعدين ضيفي الثوم.

ضعي شرائح الفلفل الملون وقلبي الخضار مع بعض بعدين حطي السجق.

ضيفي التوابل للسجق وقلبيه وسيبيه يستوي لمدة 10 دقائق.

بعد 10 دقائق ضيفي بيوريه الطماطم وقلبي وسيبيها تغلي 5 دقائق.

حطي المكرونة مع السجق وقلبي كويس وبعدين وزعي الكمية على طاجن كبير أو 2 طاجن متوسط وعليها الجبنة الموزاريلا.

دخلي الطاجن الفرن على درجة حرارة 180 وسيبيها من 10-15 دقيقة أو لحد ما الجبنة الموزاريلا يكون لونها ذهبي.

كما قدمت الشيف أسماء هشام طريقة سهلة لعمل “كيكة القهوة”.

المكوّنات

2 كوب دقيق

1 1/2 كوب سكر

1/2 كوب زيت

3/4 كوب حليب خالي من الدسم

3 بيضات

1 ملعقة كبيرة بايكنج باودر

1 ملعقة كبيرة فانيلا

2 ملعقة كبيرة قهوة سريعة الذوبان

لصوص الشيكولاتة: 4 مكعبات شيكولاتة طبخ.

الطريقة:

سخني الفرن على درجة حرارة 180.

ادهني صينية الكيك بالزيت بعدين رشة دقيق ووزعيها عشان الكيك ميلزقش.

في وعاء غويط حطي القهوة بايكنج باودر والدقيق منخول وقلبيهم مع بعض.

في وعاء تاني اضربي البيض وضيفي الفانيليا، السكر والزيت بعدين ضيفي خليط الدقيق اللي عملناع.

ضيفي اللبن لخليط الكيك كله وقلبيه كويس.

حطي الخليط في الصينية المبطنة بالزيت والدقيق ودخليه الفرن لمدة 25-30 دقيقة.

ممكن تعرفي الكيك استوت ولا لأ بعصاية شيش طاووق خشب وتضعيها في نصف الصينية لو طلعت نظيفة كده الكيك استوى.

طلعي الكيك وسيبيها تبرد وحضري الشوكولاتة بعد ما تسيحيها في حمام مائي.


الكلمات المتعلقة‎


مواضيع ممكن تعجبك