تستمع الآن

“ع السفرة”.. طريقة سريعة لعمل “فراخ بالبطاطس” و”بطاطا بالكاراميل واللبن المكثف”

الأربعاء - ٢٣ مايو ٢٠١٨

قدمت الشيف ندى سعد عبر برنامج “ع السفرة” مع يارا الجندي، على إذاعة “نجوم إف إم”، اليوم الإثنين، طريقة عمل فراخ بالبطاطس، وبطاطا بالكاراميل واللبن المكثف.

وتقوم فكرة “ع السفرة” على استضافة شيف مختلف في كل حلقة ويقدم أفكارًا لأكلات سهلة وسريعة بأبسط المقادير لتجهيز الإفطار والسحور في رمضان، والبرنامج سيكون من تقديم يارا الجندي.

فراخ بالبطاطس:

٢ بطاطس كبار

٢ صدر فرخة

١/٢ كوب ماء

١/٤ كوب زيت زيتون

١ ملعقة دبس رمان

١ ملعقة عسل أبيض

ملح، فلفل، روز مارى، كمون، جانزبيل، كركم، نعناع، بصل وثوم بدره وريحان.

طريقة التحضير:

هنغسل الفراخ كويس قوى، علشان نشيل رائحة الزفارة، هنعمل للفراخ سكراب بالملح والدقيق والفلفل لمدة 3 دقائق، بعدين نشطفها كويس الماء ونرش عليها خل ونشطفها كويس.

نتبل الفراخ بكل البهارات الي حضرناها ونزود عليها عسل أبيض ودبس رمان وزيت الزيتون. ونتركها تتبل أطول وقت ممكن (من 1 إلى 6 ساعات)

نغطى بايركس أو أى صينية بفويل ونحط أول طبقة من حلقات البطاطس ونرش عليها ميكس البهارات ونحط طبقة بطاطس تاني ورشة بهارات تانى، ونحط الفراخ المتبلة ونقفل الفويل بس نسيب فتحه صغيره للتهوية.

وتترك في الفرن عبر درجه حراره 180 لمده تتراوح من 35 إلى 45 دقيقه.

بطاطا بالكاراميل واللبن المكثف:

بطاطا

١ علبه لبن مكثف

١ كوب سكر

١/٢ كوب ماء

١ كوب كريمة طهى

١ملعقه صغيره فانيليا

مكسرات

طريقة التحضير:

حليب مكثف:

يُغلى عبوه اللبن المكثّف لمدة من 3 إلى 4 ساعات على نار هادئة

بطاطا:

يتم غسيل البطاطا جيدا بالماء، الصابون والخل، وتوضع في الفرن على 180 درجه لحد ما تستوى.

يتم تقشير البطاطا وهرسها جيدا.

كاراميل:

نحط السكر والماء على نار متوسطة ونقلب حتى الذوبان.

عندما يبدأ في الغليان ويحمر لون السكر للون ذهبي أو لون العسل الأبيض يرفع من على النارو نضيف الكريمة ببطء مع التقليب السريع ونضيف ملعقة صغيرة فانيليا.

نضع فى بوله طبقة من الكاراميل وطبقة من البطاطا وطبقة من اللبن المكثف والكارميل ونكرر.

يمكن إضافة أي صنف من المكسرات بعد خلطها بالكاميل.


الكلمات المتعلقة‎


مواضيع ممكن تعجبك