قالت هايدي فتحي المتخصصة في تصوير الأطفال والأمهات الحوامل، أن الناس في مصر بدأت تعتاد وتتفهم فكرة وجود مصورين متخصصين للأطفال حديثا.
وأضافت خلال اتصالها مع رنا خطاب عبر برنامج “بنشجع أمهات مصر” على نجوم إف إم: “لما ابتديت فكرة تصوير الأطفال مكنتش موجودة أوي في مصر، ومكنش في حد واخد تصوير الأطفال بشكل متخصص، لكن دلوقتي بقى موجود في ثقافتنا فكرة تصوير الأطفال. زمان ده مكنش موجود والناس بقيت فاهمة إن في حاجة اسمها baby photography وmaternity photography”.
وأضافت: “بنصور الأم من أول الحمل لحد الولادة وبعد كدة بنبدأ تصوير طفولة الـ baby”.
وتابعت: “إحنا بنعمل ألبوم للأطفال من وهم عمرهم يوم لحد ما يكبروا، وبنوثق لحظات حياتهم بشكل مختلف ومميز”.
وعن طريقة تصوير الأطفال الصغار قالت: “لما يبقى في تصوير لطفل عنده سنة بنجهز الاستوديو بشكل مختلف وبنشغله أغاني ومزيكا وبنخليه يلعب مع مامته عشان يبقى مرتاح ونقدر نلقط له صور حلوه ومش تقليدية”.
أما عن ألطف المواقف خلال عملها قالت: “لما الأمهات بيبقوا جايين بيكونوا مش متوقعين شكل الصور النهائي فبكون سعيدة لما بلاقيهم بيتفاجئوا بالنتيجة وبيتبسطوا بيها”.
وعن مصدر شغفها بتصوير الأطفال قالت: “أهلي كانوا مهتمين بتوثيق كل لحظات طفولتي وده من الحاجات اللي شجعتني على اللي بعمله”.
مواضيع ممكن تعجبك
