وجه الفنان تامر حسني، رسالة إلى لاعب النادي الأهلي المعتزل حسام غالي، عقب إعلان اعتزاله في مؤتمر صحفي عقده بحضور عدد من لاعبي الأهلي وإداريي الفريق.
ووفقًا للخبر الذي قرأته مارينا محفوظ عبر برنامج “كلاكيت” على “نجوم إف إم”، اليوم الأربعاء، فإن تامر نشر فيديو بكاء حسام غالي خلال المؤتمر الصحفي، عبر صفحته الشخصية على موقع التواصل الاجتماعي “فيسبوك”.
وعلق تامر على الصورة: “تحليل شخصي مش اكتر واتمنى يطلع غلط بس واثق أنه صح.. اللي يقرأ بين السطور ويركز في كلمة هنا عايز يرتاح وتحديداً كلمة (مش قادر).. يلاقي ان الراجل ده بيبكي من الضغوط والحروب النفسية اللي اتعرض ليها في حياته”.
وتابع: “رغم أنه بالفعل من أحسن وأرقى لاعبي مصر بيبكي وبياخد قرار ينهي بيه حياته الكروية بسبب (طاقة سلبية) خرجت من نفوس شريرة مريضة تملكت منه وسيطرت عليه بخلاف اللي بينصح بمحبه فهو مشكور في الحقيقة.. يا حسام انت فعلاً تقدر تكمل.. عمومًا ربنا يكون في عونك وأنت ادرى من أي شخص بحالك”.
كان حسام غالي قد انهمر بالبكاء خلال الحديث في المؤتمر، حيث شدد على أنه لم يقصر أو يتخاذل يومًا ما خلال وجوده داخل جدران النادي الأهلي.
وقال غالي خلال كلمته: “أشكر الأهلي، ولا أستطيع رد ما فعله معي النادي، أنا الوحيد اللي اقدر احدد موعد اعتزالي.. دلوقتي والناس كلها بتقول لسه قادر وقدامك كتير وبدنيًا وفنيًا موجود.. أقولهم لاء أنا خلاص عايز أرتاح، مش قادر”.
مواضيع ممكن تعجبك
