تستمع الآن

“معداش عليك” يرصد أبرز مواصفات وعيوب مواليد برج الحوت في شهر ميلادهم

الإثنين - ١٢ مارس ٢٠١٨

خصصت سارة النجار، حلقة، يوم الإثنين، من برنامج “معداش عليك” للحديث عن مواليد “برج الحوت” والذي يبدأ من 19 فبراير إلى 20 مارس من كل عام.

وقالت سارة في مستهل حلقتها: “الحوت هو برج مائي وبالطبع هو البرج الوحيد الذي غنى له الهضبة عمرو دياب وبالتأكيد هذا إنجاز وحاجة مهمة لازم تتضاف لإنجازات أصحاب برج الحوت”.

وأضافت: “أصحاب برج الحوت أشخاص حالمين وبيعيشوا داخل خيالهم أكثر ما بيعيشوا في الواقع بتاعنا، يتميزون بالرومانسية والإخلاص الشديد في الحب.. لما بيحبوا بيحاربوا عشان يستمر الحب ده.. الحب هو محرك حياة أشخاص برج الحوت، بيستخدموا العاطفة أكثر في التعامل في كل حاجة في حياتهم وده اللي بيخليهم مرهقين نفسيا طول الوقت ﻷن مش كل الناس زيهم، الناس بتشغل عقلهم عليهم وهما قلبهم بس اللي شغال”.

وتابعت: “تتميز امرأة برج الحوت إنها بتعرف تركز على نقاط جمالها وتظهرها للناس وده بيبقى فطرتها، برج الحوت معروف انه برج خجول وهادئ وقليل الكلام، كاتومين جدا وعشان تعرف اللي جواهم لازم إنت اللي تحاول تعرف هما مش هيقلوا لك حاجة، مش متسرعين نهائيا في أي قرار يأخذونه.. يتميزون بالكرم في كل حاجة.. الحاجات المادية والأحاسيس والمعنويات والحب”.

#معداش_عليك | النهاردة حلقتنا عن برج الحوت!

النهاردة حلقتنا عن #برج_الحوت ،تعرف حد من اصحاب البرج ده؟ اتصلوا بينا او ابعتولنا واحكولنا عنهم وعن صفاتهم! :)تليفون : 38555022رسائل: 1006اسمعونا | www.nogoumfm.net/live-radio-streamشوفونا | www.nogoumfm.net/nogoumfm-tv-live

Geplaatst door NogoumFM 100.6 op maandag 12 maart 2018

وشددت: “الشغل المناسب لهم، هي كل شغلانة فيها إبداع زي الفن والرسم والموسيقى.. حتى في العلم آينشتاين اللي هو بالمناسبة برج الحوت تلاقيه عمل إبداع وصل فيه للعلم اللي نعرفه لمكان أبعد من ما كان الناس عارفة”.

وقال مصطفى: “خطيبتي هي مواليد برج الحوت، وبها كل الرومانسية وبتحب بجد ومن قلبها، وطالما الأفكار متقاربة من بعضها فهذا أمر جيد”.

وعن عيوب برج الحوت، كشفت سارة: بيزهقوا بسرعة جداً، أيضا كسلانين شوية ومش بيبذلوا المجهود الكافي من أجل أي حاجة مش بيعترف بأخطائه تقريباً،  حالم وخيالي لدرجة تحس معاها إنهم منفصلين جداً عن الواقع تماماً، في سن المراهقة أهم حاجة عندهم الحب.. وفترة المراهقة بالنسبة لهم بيعيشوها في رحلة بحث عن حبهم المفقود، بيتوافقوا مع العقرب والحوت والعذراء يتنافروا من الحمل والجوزاء”.


الكلمات المتعلقة‎


مواضيع ممكن تعجبك