تستمع الآن

ما هي أفضل طريقة تتعامل بها مع شخص بيغير منك؟.. مستمعو “اتفقنا” يجيبون

الخميس - ٢٩ مارس ٢٠١٨

ناقشت مريم أمين، يوم الخميس، عبر برنامج “اتفقنا”، على نجوم إف إم، عن أفضل طريقة تتعامل بها مع شخص بيغير منك.

وقالت مريم: “محتاجين ناس تأخذنا للأمام ونشعر أن يومنا ناقص من غيرهم ناس تتقبلنا زي ما إحنا وهي قمة المحبة لأننا لن نفصل ناس على مزاجنا، ناس شايف إن فيه حنية ويتحملون عصبيتنا ولا يفرق معهم مين سأل أو اتصل الأول”.

وقال مينا: “النهاردة كل واحد بيعدي في يومه بأوقات بحاجات تضايفنا وتضغطنا والشخص بيكون مش مستحمل إن أقرب الناس له اقبلوني زي ما أنا، لما أجي ألوم صاحبي على فعل ما ويكرره فلا يمكن أن أقبل الشخص مثلما هو، قلقي كله الناس تصل لمرحلة الاستسهال في علاقتهم ويسترسل في مزاحه السيئ ويعتقد أن أقبله، الموضوع لا يمكن يكون سداح مداح، هذا يحعلني أجي في وقت وأقف وأقول لأ مش مضطر أتحمل ما يفعله الأخرين”.

وشدد حسام: “أنا شخص أصحابي ليسوا قليلين ولكن يأتي علي فترة أنا محتاج أقعد مع شخص لا يشيلني هم فوق همي، ولكن في أوقات أخرى أنا بكون متاح لكي أكون شخصا أتلقى هموم الأخرين، وأنا شخصيا مرنت نفسي كثيرا لكي أصل لهذه المرحلة مع أصدقائي”.

وأشارت فلة: “إحنا أصلا مش مضطرين نتعامل مع الناس اللي بتضايقنا إحنا نقدر ننبسط في حياتنا ونكون إيجابين طول الوقت، العتب مش عليهم إحنا اللي بنسيب لهم مساحة في حيانتا ونتدايق من وجودهم مع إننا إحنا اللي بنعمل كدا مش هما، ورأيي مفيش شيء اسمه عشرة، عمر الناس اللي بتحبك زي ما انتي دي مالهاش معيار معين”.

وشدد أسماء: “بصراحة أنا في حياتي شخصية كده.. لكن اكتشفت إن التجاهل بيزود الغيرة عندها جدا لكن الأفضل كما قال الله تعالى (ادفع بالتي هي أحسن فإذا الذي بينك وبينه عداوة كأنه ولي حميم)، فأصبحت أتعامل بالحب معاها والحرص في نفس الوقت وواحدة واحدة بدأت أشعر إن معاملتها لي اتغيرت بجد”.


الكلمات المتعلقة‎


مواضيع ممكن تعجبك