تستمع الآن

مستمعو “معداش عليك” يروون أبرز مواقفهم مع الجدعنة والشهامة

الإثنين - ١٢ فبراير ٢٠١٨

ناقشت سارة النجار، يوم الإثنين، عبر برنامج “معداش عليك” على نجوم إف إم، أبرز مواقف “الجدعنة والشهامة” بين المصريين.

وقالت سارة في مستهل الحلقة: “في الحلقات اللي فاتت كنا بنتكلم فيها عن الصفات السلبية بس بما إن الفالانتين قرب فقلت نتكلم عن الناس الجدعة في حياتنا، النهاردة سنتحدث عن الجدعنة والشهامة ودي حاجة اشتهر بيها الشعب المصري.. وهي أه مش موجودة بكثرة دلوقتي زي زمان بس هي ما زالت موجودة وكلنا مابيعديش يوم أو موقف إلا لما نلاقي حد جدع عمل حاجة ساعدك بيها أو ساعد حد قدامك ووقف مع الناس”.

وقالت أول متصلة نورهان: “أول موقف شخص لم أكن أعرفه وكنت عند أصدقائي وركبت أتوبيس واكتشفت إني نسيت محفظتي عند صديقتي، وكان فيه ولد بجانبي وسمعني وأنا بكلم أصدقائي عشان يستنوني ولكنه دفع لي الأجرة ورفض حتى يستردها لما أصدقائي قابلوني.. والحمدلله كمان أنا محظوظي بأصدقائي وهما جدعان جدا في كل المواقف”.

وأشار عمر: “أصحابي الجدعان عدوا علي كثيرا بالطبع، وإحنا 4 أصحاب وعلطول مع بعض في أي حاجة والحلوة والمرة سويا، وأتذكر أكثر موقف لهم يوم فرح شقيقتي ومرض والدتي وقفوا بجواري ولم يتركوني أبدا”.

وأضاف محمد: “أول موقف كنت رايح الكلية ومحفظتي وقعت وبها أوراق مهمة طبعا ومن وجدها حقيقة اتصرف وأوصلها لي البيت بكل ما فيها، والموقف الآخر مع زميلي اسمه أحمد عماد وأنا لست من القاهرة ولكن هذا الشخص فتح لي بيته واستضافني معه وأهله أيضا وأنا الآن سافرت السعودية وما زلنا على تواصل وأريد أن أشكره بالتأكيد على جدعنته اللانهائية”.

وشددت سارة في نهاية الحلقة: “في ناس بتقول إن الجدعنة أصبحت تتعب صاحبها.. هي الحقيقة العكس إن الجدعنة بتعود لصاحبها أضعاف ربنا لا يضيع تعب أحد أو مساعدة إنسان لإنسان”.


الكلمات المتعلقة‎


مواضيع ممكن تعجبك