تستمع الآن

بعد 32 عاما زواج.. تعرف على قصة أول هدية عيد حب من “عم نصر” لزوجته “نعيمة”

الإثنين - ١٩ فبراير ٢٠١٨

الحب لا يعترف بالعمر ولا بالزمان، فهو مستمر للأبد، أو كما قالت المطربة ميادة الحناوي “الحب بتاع زمان والنادر في الزمان ده وقليل لما تلاقيه والناس النهارده يتمنوا يعيشوا فيه”؟ وهذا ما أثبته “عم نصر” وزوجته الست نعيمة.

ووفقا للخبر الذي قرأه إيهاب صالح، يوم الإثنين، على نجوم إف إم، عبر برنامج “ابقى تعالى بالليل”، نقلا عن “المصري اليوم”، ففي يوم “عيد الحب” قرر عم نصر مفاجأة زوجته بعد زواج دام 32 عاما، ليفاجئها بأول هدية عيد حب منذ زواجهما.

عم نصر، رجلٌ بسيط، كان عامل نظافة، إلى أن أصابه المرض، ولم يقو على العمل بعد، لتصبح نعيمة، السيدة الخمسينية، هي السند الوحيد له، كما كان هو لها طيلة رحلة عمرهما، لذلك قرر أن يهاديها لأول مرة في حياتهما.

وقالت نعيمة: “كفاية هو.. كفاية مكانته في قلبي”، مشددة: “إحنا ناس غلابة.. غلابة، على قد حالنا يعني، منعرفش الهدايا والكلام ده، ولا كمان اتجوزنا عن حب، ولكن اللى بيهاديني بيه كل يوم، أثمن بكتير من هدايا الدنيا.. الإخلاص، والأمان، والاحترام”.

وأشارت نعيمة: “في العلاقة مش مهم الفلوس ولا الغنى.. الغنى غنى النفس، ولكن الراحة النفسية، ودي بلاقيها في أبويوسف، كفاية إنه طول الوقت بيفكر يراضيني إزاي ويعملي إيه يفرحني بالأفعال والكلمة الحلوة”.

“الرضا” كانت النصيحة التى أهدتها نعيمة، بعد خبرة زواجها للشباب، وتكمل: “شباب اليومين دول بيفكروا في حاجات تافهة، ارضوا بنصيبكوا وبالقليل وربنا هيعوض، أنا شفت في حياتي هم قد كده، ولكن ربنا عوضني بنصر، إحنا بنكمل بعض”، ثم أنهت حديثها بجملة واحدة: “ربنا يهنينا ونفضل مع بعض للأبد.. للأبد”.

ومن جهة أخرى، يتحدث يوسف أكبر أولادهما، عن والده، الذي لم يستطع الحديث بسبب ظروفه الصحية، ويحكي: “أبويا جيه قالي عاوز أجيب لمامتك هدية أقولها بيها شكراً في عيد الحب زي ما بتعملوا، شوفوا البنات بيحبوا إيه وأنا هدفعلك حقه، وجبتها أنا وعبدالرحمن صاحبي وهو اللي صورهم”.

“بوكيه ورد”، كانت الهدية التي اختارها يوسف وعبدالرحمن، والتي رسمت البسمة على وجه نعيمة بفرحة أول هدية تتلقاها، ويكمل يوسف: “إحنا في منطقة شعبية آه، لكن الحب مش عيب، وإحنا طول الوقت بنتعلم من قصة حب أبويا وأمي، من إخلاصه، ووفائها وصبرها، طول الوقت وهو بيقول مقدرش أستغنى عنها وبيبوس إيدها، وهي ترد عليه وتبوس راسه”.


الكلمات المتعلقة‎