تستمع الآن

مستمعو “معداش عليك” يروون مواقفهم الطريفة مع “معازيم الأفراح”

الإثنين - ٢٢ يناير ٢٠١٨

خصصت سارة النجار، حلقة “معداش عليك”، يوم الإثنين، على نجوم إف إم، للحديث عن “معازيم الأفراح وأنواعهم”.

وقالت سارة في مستهل الحلقة: “كلنا روحنا أفراح، منها أفراحنا أو أفراح صحابنا أو قرايبنا، ودايما فيه معازيم بتبقى مقررة في نفس فرح مش الشكل ولكن في أسلوبهم تحس إن فيه تناسخ أرواح بين المعازيم أو تحس إنها أدوار متوزعة لازم كل فرح تلاقي ناس معينة بتعمل نفس الحاجات مع اختلاف الناس دي نفسها”.

وأضافت: “الفرح ينقسم لنوعين، أنواع صديقات العروس، منهن، الخجولة، أو اللي بتقعد تشد الناس كلها عشان ترقص، اللي بتبقى فاكرة نفسها نجمة الحفلة، وهناك ترابيزة الاستوديو التحليلي للفرح، وهناك أصحاب العريس، اللي تلاقيه لابس محترم ونظارة نظر وتحس كده إنه دكتور أو ذو درجة علمية رفيعة، والصاحب اللي جاي عشان عربيته، وفيه أصحاب العريس اللى جايين يعملوا الواجب مع صاحبهم ويرقصوا معاه ويشيلوه”.

وقالت هالة: “معازيم الفرح عدوا علي كثيرا، وحصل موقف سيئ في فرحي ووصل الأمر إن واحدة قالت علي إن العريس مش لايق علي نهائيا، ودائما المعازيم لا يعجبهم أي شيء وانتقادات فقط من الناس، وأنا من النوع الذي أغضب جدا”.

وشدت مكة: “يضايقني لما أكون برقص مع العروسة وتيجي واحدة تبعدني عنها، ولكن لأن العروس كانت قريبتي فصالحتني”.

وأشار رامي: “حاربوا معازيم الفرح المنتقدين بنفس أسلوبهم، ولو قابلتهم في أي فرح نرد لهم الانتقاد دائما، ومع ذلك بيكون فيه أفراح جيدة وبها حب بين الناس”.

وقالت فاطمة: “أنا من منتقدين الأفراح ونفسي أبطل هذه العادة السيئة، دائما أنتقد الأكل وحتى الدي جي لا يعجبني”.


الكلمات المتعلقة‎


مواضيع ممكن تعجبك