تستمع الآن

خبيرة أبراج لـ”معداش عليك”.. أبرز مفاتيح سيدات ورجال “برج الدلو” عشق الفلوس والمظاهر

الإثنين - ٢٩ يناير ٢٠١٨

خصصت سارة النجار، يوم الإثنين، عبر برنامج “معداش عليك”، على نجوم إف إم، للحديث عن “برج الدلو”.

وقالت سارة في مستهل الحلقة: “إحنا بنحاول نحلل أشهر الحاجات اللي بتربط الشخصيات الخاصبة بكل برج ببعض وبنقول أشهر صفاتهم في معداش عليك، والدلو هو برج هوائي بيبدأ من 20 يناير إلى 18 فبراير من كل سنة”.

وأضافت: “نادرا ما يكون لأصحاب برج الدلوحد بيكرههم، بالرغم إنه له أصدقاء كثر ومعارف في كل مكان إلا أنه مستقل برأيه ومش بيمشي ورا رأي الأغلبية، لا يخالف حتى يعرف، هو بس بيشوف حاجات بعين مختلفة عن باقي الناس عشان كدة آراءه دائما مختلفة وأسئلتهم دائما غير متوقعة، أكثر ناس مابيتجوزش من برج الدلو، أهم حاجة لبرج الدلو هي الحرية، هو كائن بيتغذى عليها، أكثر نسب ناس مش بتتجوز أو بتحب الارتباط هم أصحاب برج الدلو وده يرجع لأنهم بيحسوا إن الارتباط والمسؤولية بيقيدوا حريتهم،  الصداقة شيء مهم جدا عند أصحاب هذا البرج، بيفكروا في المستقبل وساعات بتوصل لدرجة إنهم مش بيركزوا في الحاضر، من حب برج الدلو للحرية ممكن تلاقيه متعصب لحرية الأخرين أكثر من تعصبه لحريته هو”.

وتابعت: “من عيوب برج الدلو بيخاف من الارتباط، مش بسهولة حد يدخل قلبهم ويحبوه، هما بيحسوا إن الارتباط ده ممكن يقيد حريتهم، العناد: من عيوبهم برضو عنادهم الشديد في الموضيع والآراء اللي تخصهم، وتمسكهم بآراءهم ﻷنهم بيحسوا إن محدش هيقدر يفهم ولا يستوعب موقفهم أكثر منهم، والعزلة: برغم إن لهم أصدقاء كثر إلا إنهم بيميلوا دائما للعزلة فترة وساعات تلاقيهم اختفوا فجأة ورجعوا تاني لحياتك دون سابق إنذار، تقلب المزاج: ممكن فجأة تلاقيهم مبسوطين أو فرحانين وفجأة تلاقيهم تحولوا وبقوا زعلانين أو محبطين لأسباب غير معلومة ﻷي حد، ومن عيوب برج الدلو إنه مشهور جدا بالبرود عن باقي الأبراج”.

خبيرة الأبراج

وقالت مايا ناجي، خبيرة الأبراج: “رجل برج الدلو من الصعب احتوائهم لأنه رجل لا تقدري تربطيه يعش الحرية لأنه هوائي، شيك ونظيف شخصيا، ويحب المظاهر جدا، وطبعا الزواج والارتباط صعب له، والارتباط يجب أن تكون صديقته وصاحبته أولا، والست الذكية تحتويه وتأخذه كصديق وصعب تجدي هذه الست، ولا تحاول تسلبه حريته وهو يكره النكد”.

وأضافت: “أما امرأة الدول لماحة وذكية ومعها الحياة تكون حلوة لانها لا تحب النكد ويجبوا الظهور الاجتماعي ويحبون الفلوس وهي أهم من حاجات كثيرة ومفتاحها الفلوس، وهي تحب الحب والرومانسيات ولكن الحرية والمظاهر والفلوس الأولوية، وتجدين أغلبهم فنانين مثل النجمة شادية وينسوا الزواج والحياة الأسرية ويهتمون بالشهرة والأضواء”.

وقالت هالة: “صديقي من مواليد برج الدلو، هو عصبي بسبب الانتقاد ولا يحب أن يقول له أحد أنت مخطئ”.

وأشار أحمد: “أنا برج الدلو، وأنا متزوج وما يقال إننا نخاف من الارتباط غير صحيح، ولكن مشكلتنا إننا نقع مع ناس خاطئة ومش أي شخص يفهمنا، من يعرف صفاتنا يدقر يتعامل معنا ونتعامل معه بسلاسة، ولكن من أول وهلة كل الناس يفهمونني خطأ ولكن مع التعامل يفهمون شخصيتي، ونحن نتعامل مع الناس بقلب طيب وهذا صعب في زماننا الحالي”.

وأوضحت ندى: “أنا دلو على حوت، ولكن صفاتي تميل لبرود الدلو ورخامته، إحنا فعلا نضايق اللي حولنا وخصوصا في ردودنا على الناس ومش لازم نكون كتومين بشكل كبير وخرجت بعيدا عن هذه القوقعة وبالفعل زعلت من نفسي، ونحن من الأبراج الغامضة جدا، ونحن نسامح ولكن لا ننسى نهائيا”.

وأشارت سارة في نهاية الحلقة: “في نهاية الحلقة عايزين نقول إن كل شخص يقدر يبقى أنجح حد في الدنيا، ولكن اللي إنت شايفه ناجح دلوقتي لما بيقع بيقف على رجله تاني وبيفضل كدة لحد ما الناس كلها بتشاور على نجاحه ومحدش عارف لحظات إحباطه غير نفسه.. نفس الكلام إنت الناس هتشاور على نجاحك بس لحظات إحباطك دي تخليها لنفسك وخليك فاكرها عشان هي اللي هتكون سبب في إنك تقف من تاني وتبقى شخص ناجح مهما كان المجال اللي عايز تنجح فيه.. خليك مؤمن بنفسك وأعمل اللي عليك وسيب الباقي على ربنا بس خليك مؤمن بقدراتك إنت بس”.


الكلمات المتعلقة‎


مواضيع ممكن تعجبك