ردت الفنانة مي عز الدين، على الانتقادات التي وجهت باستخدامها “الفوتوشوب” عقب آخر جلسة تصوير خضعت لها مع المصور محمود عبدالسلام، واتهامها البعض بأنها استغلت البرنامج لتصغير حجم “وسطها”.
ووفقا للخبر الذي قرأته فريدة الخادم عبر برنامج “كلاكيت” على “نجوم إف إم”، اليوم الإثنين، فإن مي نشرت فيديو قصير لها عبر صفحتها الرسمية على موقع تبادل الصور “انستجرام”، مؤكدة أن ما تردد عن استخدام “الفوتوشوب”، شائعة لا أساس لها من الصحة.
وقالت: “الحمد لله وسطي مطلعش فوتوشوب.. كنت قلقانة قوي لا يطلع فوتوشوب مش عارفة كنت هعيش إزاي؟، اتجوز جرافيك ديزاينر علشان يعملوا طول ما إحنا ماشيين في الشارع علشان الناس متفقسنيش ولا كنت هعمل إيه؟، يلا الحمد الله جت سليمة، مشوا الناس النفسية دي من هنا، فيه دخلاء وسطنا يا جماعة ولا أقولكم إحنا نقفل عليهم الأكونت”.
وتابعت مي عز الدين: “معلومة بس علشان الفقرة التانية اللي هيدخلوا فيها، من الآخر كده وخديها من واحدة خبيرة تجميل، مهما عملتي تجميل ولا نحتي جسمك لو محافظتيش على أكلك وعشتي على دايت مظبوط وتعبتي إنك تحافظي عليه برضه مش هيبقي شكل جسمك كده والله جبتي جيرانك وشارعكوا كله ينحت فيكي فبرضه ريحي نفسك إنتي أقفلي بوقك بس من الأكل والتعليق على الممثلات وخلق الله عمومًا وكله هيبقي تمام بإذن الله ربنا هيكرمك آخر كرم”.
مواضيع ممكن تعجبك
