تستمع الآن

“شاهد.. شيرين رضا عن بعض المؤذنين: “مش سامعين صوتكم في الآذان؟

الإثنين - ٢٥ ديسمبر ٢٠١٧

أبدت الفنانة شيرين رضا رأيها في أصوات بعض المؤذنين في المساجد، مشيرة إلى أنه يجب توحيد الآذان في المساجد منعًا للأصوات غير المستحبة من البعض.

وأضافت في تصريحات لبرنامج “أنا وأنا”، “الشخص اللي (بيجعر) في الميكروفون ده، هو مش سامع صوته ولا إيه؟، في شوارع صغيرة الناس مش عارفة تعيش، وأنت مش محترم الناس وأنت بتزعق كده”.

وتابعت: “ده ملوش علاقة بالدين، أنا كان نفسي أبقى مسؤولة عن حاجات كثيرة عشان كنت هنفذها، لأن بعضها حاجات صغيرة تساعدنا في حياتنا”.

وتطرقت إلى ذبح الأضاحي في الشوارع خلال عيد الأضحى، موضحة: “أنا ضد الكلام ده إيه العادات دي؟، ومستغربين ليه الاولاد لما يكبروا يحبوا العنف، مينفعش الأولاد يشوفوا الدم والدبح ده، انتوا متعرفوش بتعملوا إيه في مخ الطفل ده؟”.

وعن الفيديو الذي نشرته وسخرت فيه من الفنان محمد كريم: أضافت شيرين رضا: “كان لازم نتريق على محمد كريم، طريقته بتضحك، لأنك لما تعمل حاجة لازم تبقى قدها خاصة أن في ناس هتعترض وتتريق، هو عملي بلوك على انستجرام، وإحنا كنا بنهزر ودي حاجة مصر كلها اتريقت عليها”.

وعن رأيها في الزواج، أكدت شيرين رفضها لفكرة الزواج، مضيفة: “ده مشروع فاشل، أنا بقول رأيي على منظومة زواج الصالونات، لأن عيشة الزواج بتجنن”.

وشددت على أنها لن تتزوج مرة ثانية، قائلة: “لو حبيت حد معتقدش إني هتزوجه، لأنني تعودت أني لازم أكون على قدر المسؤولية”.

عمرو دياب

وأشارت شيرين إلى أنها ترفض تدخل البعض في حياتها الشخصية، مضيفة: “أنا تحدثت عن عمرو دياب في مواقف كثيرة، إحنا ما زلنا أصدقاء”.

واستطردت: “عمرو دياب هو والد ابنتي، وأنا بحبه وأتمنى له كل الخير، ولحد الآن نحن أصدقاء”.


الكلمات المتعلقة‎


مواضيع ممكن تعجبك