تستمع الآن

الحق في المعرفة.. آية عبدالعاطي تسرد أبرز محطات وأهم أهداف “منطقتي” في آخر حلقاته

الأحد - ٣١ ديسمبر ٢٠١٧

خصصت آية عبدالعاطي، الحلقة الأخيرة من برنامج “منطقتي” في عام 2017، والأخيرة أيضا للبرنامج حيث تطل آية في العام الجديد ببرنامج “فيلم السهرة”، للحديث عن أبرز الأماكن والتفاصيل التي ناقشتها منذ فوزها في برنامج “راديو ستار”.

وقال آية في مستهل الحلقة: “كان هدفنا من عمل برنامج (منطقتي) هو الحق في المعرفة، من حق الناس اللي بتسكن في حي معين إنها تعرف أبسط التفاصيل والحكايات عن الحي ومين اللي أنشأه ومين اللي خططه وشوارعها ومعالمها”.

وأضافت: “تحدثنا عن القاهرة عاصمة عمرها أكثر من 14 قرنا، القاهرة اللي كانت الفسطاط وبعدها العسكر وبعدها القطائع، وتحدثنا عن إزاي القاهرة توسعت وبقت في مصر القديمة والقاهرة الخديوية، مصر الجديدة، عجوزة، إمبابة، أماكن وحكايات ومعالم وقصص قلناها في البرنامج.. وإنتوا حكتوا لنا حكايات أجمل وأحلى عن مناطقكم، ومن خلال الكلام عن المناطق والأحياء بتقدر توثق للبلد وللناس، لأن الحي مش معالم وآثار ومباني، بل أيضا ناس وعلاقات وتفاعل وتاريخ”.

وتابعت: “اتكلمنا عن بدايات الحي ونشأته والقصص والحكايات اللي حصلت فيه والناس المشهورة اللي كانت ساكنة فيه، وإزاي أثرت في الحي زي داليدا في شبرا

توفيق الدقن في العباسية، أم كلثوم وعبد الحليم في الزمالك، نجيب محفوظ في الجمالية وبعدها العجوزة، وإزاي الكاتب يقدر من كل مكان يعدي عليه يشوف حاجة تستحق التوثيق”.

وشددت: “دخلنا كل أسواق القاهرة تقريبا واتعرفنا على أنشطتها مثل سوق عرب المحمدي في العباسية اللي كان بيتعمل فيه احتفالات للغناء والفن عموما والفنان أحمد حلاوة قال اتعرفت على الفن من سوق عرب المحمدي، محمد هنيدي وعلاقته بإمبابة وسوق الفاكهة ولغة الصعايدة، سوق الخميس في المطرية، درب البرابرة شارع الأفراح، الأماكن بنفتكرها بالناس لأن القضايا بتتنسي”.


الكلمات المتعلقة‎


مواضيع ممكن تعجبك