تستمع الآن

مستمعو “معداش عليك” يقدمون طريقة مجربة للتخلص من “الفتايين”

الإثنين - ٢٧ نوفمبر ٢٠١٧

خصصت سارة النجار، حلقة برنامج “معداش عليك”، يوم الإثنين، على نجوم إف إم، للحديث عن “الفتايين”.

وقالت سارة في مستهل الحلقة: “تحس إنك لو سألت الناس عن أصل كلمة (فتاي) هتلاقي الناس بتفتي برضه، تقريبا إحنا أكثر شعب ميعرفش يقول إنه ميعرفش لازم ولا بد يفتي”.

وأضافت: “وهناك أنواع من الفتايين، اللي بيفتي في الدراسة مثلا اللي يقول لك ده هو ده الجزء اللي هيجي في الامتحان أنا متأكد والجزء ده ميجيش طبعا، أو اللي يقولك الحتة دي ملغية وإنت ماتذكرهاش فتلاقيها أول سؤال في الامتحان، وده غالبا تلاقي كراسة الإجابة بتاعته مليانة إجابات مش عشان هو دحيح ولا حاجة بس هو بيحب يفتي برضه في الاجابات، اللي بيفتي في الكرة، يعني مثلا تلاقيه بيتفرج على ماتش وطول الوقت عمال يدي تعليمات للعيبة يعني لاعب شاط الكورة على الجول وطلعت فوق العارضة يقوله يا عم شوطها ببطن رجلك على الأرض في زاوية ويقعد يفتي وتلاقي اللاعب ده ميسي مثلا اللي هو إنت تقول إيه لمين بس، أو تلاقيه يقولك المدرب ده المفروض يلعب بطريقة 4-3-3 بدل اللي بيبعب بيها دي مع إن المدرب ده واخد كأس عالم قبل كده اللي هو إنت بتجود على مين”.

وتابعت: “غالباً سبب الفتي إن محدش عايز يبقى مش عارف.. ﻷ مش عيب إنك تبقى مش عارف بس العيب إنك ما تسألش وتفضل طول عمرك مش عارف.. اتعلم واقرأ كثيرا وعلم نفسك كل يوم معلومة وحاول إنك متفتيش ومتتكلمش في حاجة متعرفهاش واتعلم إنك تسمع أكثر ما تتكلم عشان تتعلم”.

وتلقى البرنامج أول اتصال من محمد: “شخصية الفتاي عدت علي، وهو صديقي جدا، يفتي علينا في الطب والفيزياء وكأنه يعرف في كل حاجة وتيجي تزنقه في حاجة معينة يهرب بأي طريقة”.

فيما أشار أحمد: “موضوع الفتاي أعاني منه بطريقة صعبة معي صديقي في العمل مشكلة، أي حاجة يتكلم فيها وعشان نبطله الوضوع قمن بعمل مراهنة على أي قصة يفتي فيها ولو طلعت غلط يعزمنا فبدأ يقلل من الموضوع، وحصلت أيضا في موقف كتبه على الفيسبوك وأخذت منه (سكرين شوت) لإحساسي أنه سيزيلها وبالفعل مسحها وراهنته أنه فتى في هذا الأمر وكتبه وبالفعل جعلته يعزم الشركة كلها، وكان يفتي في الكرة السياسة ولكنه الآن توقف، وهذه طريقة مجربة لكل من يريد إسكات الفتايين”.

وشدد إبراهيم: “ما شاء الله والدتي هي الفتاية، ومثلا أنا بطني بتوجعني تدخل المطبخ وتطلع بمشروب عجيب من خيرات بهارات مطبخنا وطبعا ولا أي حاجة بتحصل، وطبعا في الأكل تخصص تعمل ما أكرهه وتحاول تقنعني إنه مفيد، عندنا كل العلاجات في البيت ومش محتاجين نذهب لأي دكتور”.

فيما قال إبراهيم: “أنا ركنت على الدائري عشان أقول لك على صديق لنا فتاي وصل لمرحلة الوحش، وهو يصل لمرحلة اليقين في معرفة كل شيء، تسأله أنا عايز أجيب عربية نوعها كذا يرد فورا ديه بكذا ألف جنيه، عايز أروح أكتوبر يرد دون تردد ستأخذ هذا الطريق ويوصف طرق خاطئة تماما، ده غير إن الشعب المصري لو سألته عن أي عنوان في الشارع يبدأ يوصف لك حتى لو مش عارف وطبعا لن تصل للمكان الذي تريده”.

وشدد أحمد: “ناس كثر يقولون علي أنا الفتاي، فمثلا لو طرح علي الناس أسئلة في موضوعات وأنا أجبت والإجابة صحيحة وأنا ذنبي إيه إن ثقافتي أعلى من الشخص اللي أمامي ولدي إجابات ومثقف وتكرر أكثر من مرة وفي أكثر من تخصص فلماذا يطلقون على لديه هذه الموهبة الفتاي، ولذلك الناس تأخذ بالها لا يتهمون أصدقائهم دون تحري طالما راجعت خلفه وطلع شخص يعلم بالفعل ما يتحدث عنه”.


الكلمات المتعلقة‎


مواضيع ممكن تعجبك