تستمع الآن

خبيرة أبراج لـ”معداش عليك”: هذه مواصفات الرجال والسيدات في “برج العقرب”

الإثنين - ١٣ نوفمبر ٢٠١٧

كعادتها في حلقة مخصصة كل شهر، فتحت سارة النجار، يوم الإثنين، عبر برنامج “معداش عليك” على نجوم إف إم نقاشا ساخنا عن مواليد “برج العقرب”.

وقالت سارة: “إحنا لما بنتكلم على موضوع الأبراج لا نتحدث عن تنجيم وإيه اللي هيحصل في حياة الناس.. إحنا بس شايفين إن فيه خط ربط ما بين كل مجموعة ناس مولودين في نفس الفترة من الزمن اللي هي فترة البرج اللي بنتكلم عليه.. إحنا بقى بنحاول نحلل أشهر الحاجات اللي بتربط الشخصيات بتوع كل برج ببعض وبنقول أشهر صفاتهم في معداش عليك”.

وأضافت: “يتميز برج العقرب بشحصيته القوية جداً ومعروف عنه إنه كتوم زيادة عن اللزوم، عشان تفهم برج العقرب محتاج مجلدات وغالبا برضه مش هتفهمهم، العيب ليس منك لا سمح الله، بس هما خارج نطاق مقدرة العقل البشري على الفهم، لو عمل جماعة سرية هتفضل سرية وغالبا مش هيبقى فيها أعضاء من كتر ما هي سرية، لا تعتقد أن لو برج العقرب حد منه بقى رسام أو كاتب هيبقى سهل تعرف إنه بيفكر في إيه بالعكس ده هيبقى رسام أو كاتب غامض لأبعد الحدود، صورهم على الفيسبوك أغلبها لوحدهم.. وغالبا بتبقى صور عميقة وغامضة، ممكن داخله يكون زعل أو حزن أو فرح وسعادة وفي كل الأحوال إنت لن تقدر تعرف ده من شكله ولا من كلامه معاك.. ﻷنه بيخفي مشاعرة بشكل لا يصدق الحقيقة”.

وتابعت: “عشان يثق فيك مولود برج العقرب بيفضل يحطك في اختبارات صعبة عشان تقدر تنول ثقته في الأخر، دائماً يظهرون الجزء اللي هما عايزين ييظهروه في شخصيتهم بس.. أي حاجة هما مش عايزينك تعرفها مش هتعرفها مهما حاولت، شكاكين جداً لأبعد الحدود وعندهم نزعة انتقامية.. فحاول متعملهمش حاجة توصلهم إنهم ينتقموا منك، لا يأخذ قرار الزواج أو الحب بسهولة خالص، بالعكس دول بياخدوا وقتهم أوي زيادة عن اللزوم.. فاللي يبقى مرتبط بحد برج عقرب يديله وقته جدا في مواضيع الارتباط والحب والجواز وكل الأمور والقرارات العاطفية، لا ينسى من أساء إليه ومش بيهدى غير لما ينتقم منه، لا تحاول تنتقده خالص عشان دي حاجة مش هتخليه يعمل حاجة غير إنه يضعك في دماغه واحتمال ينتقم منك، لا يحبون الشخصية العادية البسيطة هما بيحبوا الشخصيات المركبة، خليك صابور لو حبيت بنت برج عقرب لأنها كلامها هيبقى قليل وهتحس إنها بتتقل عليك بس هي دي طبيعتهم عامة”.

وأردفت: “من مشاهير برج العقرب، الكابتن محمود الخطيب ومحمد أبوتريكة وسيد عبدالحفيظ وأحمد فتحي، ومن الفنانين إليسا، مايا دياب، عمر خيرت، بيل جيتس، فيروز، جوليا روبرتس، أحمد ذكي، ليوناردو دي كابريو، محمد حماقي”.

وقال عمر: “أنا مواليد برج العقرب، وأنا شكاك فعلا وأي حد يضايقني لازم أنتقم منه ولا نثق في أحد بسهولة وديه حاجة حلوة ولو الشخص اللي أمامه جيد لا يخاف طبعا مني، وكتوم بطبعي ولكن متواضعين وهذه أفضل صفة فينا، صعبين لكن كويسين”.

وأشار أحمد: “أنا برج القوس، وعدى علي شخص قريب برج العقرب، ومن يعرفه ويتعامل معه البنات خصوصا منهن كتومات وصعب تخرج منهن كلمة ولكن لما تقرب منهن صعب تمنحك ثقتهن ولكن لو وثقت فيك لازم تحافظ على الثقة وكانت غيورة جدا ولكن عمرها ما تظهر هذه الصفات، وهي صفات متجسدة فيها، وبرج القوس دائما يحب بنات برج العقرب ويشعر أنها جذابة”.

خبيرة الأبراج

وعن البرج قالت مايا ناجي، خبيرة الأبراج: “العقرب برج مائي وتتسم بالغموض ولا ترين المياه تحتها إيه، ولا يعرف شخص ما بداخله، وبيشترك الرجال والسيدات في حاجات مهمة أذكياء جدا ويضعون هدف وطموحين جدا ويصلون لهدفهم، والرجل العقرب أقرب لسي السيد وعايز كن فيكون ودائما مقتنع أنه صح، ولا يتقبلون النقد وعامل حساب بكره ويصرف الفلوس في محلها وبرج عقلاني ونادرا لم ايحصل له هزا مادية، وامرأه العقرب لما تضع في رأسها علاقة تأتي بها، وغيورة بشكل صعب وعندها مبدأ أنا وبس لا ينفع ينظر لغيرها، ست قوية وعملية وموازنة أكثر من حاجة كأم هايلة وصارمة في التربية وفي عملها لن أقول انها رقم اوحد، وست العقرب تأذيكي لو قربت من زوجها أو أولادها، ولكنها تحتفظ بالسر ونادرا ما تجدي هذه الصفة في السيدات وهي جدعة جدا ولكن لا تقتربين من حياتها الخاصة”.

وعن مفتاح الرجل العقرب، أوضحت: “تعاملينه على أنه سي السيد ولا يحب الست التي تعمل ولو تعمل في حاجة يرتاح لها نفسيا، وبيحب الست الغامضة ويريد اكتشافها ويريد ست قوية يقدر يسيطر عليها ولا يحب الضعاف، أما الست فتكره الرجال الكاذبين ولا تكذبين مهما كنت مخطئة ولو اعترفت تسامحك، وهي أيضا تحب الفلوس، برج رائع وسهل في التعامل لأنهم واضحين”.


الكلمات المتعلقة‎


مواضيع ممكن تعجبك