تستمع الآن

مستمعو “معداش عليك” يروون مواقفهم الطريفة مع “الشخص الموسوس”

الإثنين - ١٦ أكتوبر ٢٠١٧

ناقشت سارة النجار، يوم الإثنين، عبر برنامج “معداش عليك”، على نجوم إف إم، شخصية “الشخص الموسوس”.

وقالت سارة في مستهل حلقتها: “طبعا كلنا عندنا حد في حياتنا نعرفه تلاقيه موسوس بس بيبقى بدرجات.. في الموسوس العادي وفي اللي ساعات بيأفور جدا، وفي اللي بيدعي إنه ocd وهو ميعرفش معناها وفاكرها موضة، وفي برضه الناس اللي عندها المرض ده، بس إحنا بنتكلم على الناس اللي عندهم الموضوع عادي زيي مثلاً أو زي ناس صحابي كتير عندهم وسوسة من حاجات معينة لا ترتقي لموضوع المرض”.

ورصدت سارة أنواع الموسوسين، موضحة: “فيه الموسوس في تنظيم شنطة السفر ودولابه والثلاجة وأدوات المطبخ، وفيه الموسوس من الأيام، وده مثلا تحصل له كذا مشكلة في يوم معين والصدفة تخلي إن الكذا مشكلة دول بيحصلوا يوم الأربعاء مثلاً تلاقيه بقى بعد كدة يخاف ينزل من البيت في هذا اليوم وتلاقيه ميحبش يروح الشغل في اليوم ده وهكذا، وفيه الشخص الموسوس في الصلاة والوضوء، والموسوس في النظافة، لا بيفتح أوكر الأبواب ولا بيدوس زراير الأسانسير”.

وأشارت: “حسب الإحصائيات يصيب الاضطراب الوسواسي القهري حوالي 2.3% من الناس في مرحلة معيّنة من حياتهم.. في حين أنّ المعدّل يكون 1.2% في سنّ محدّد، وهو اضطراب منتشر في جميع أرجاء العالم من غير المعتاد أن تبدأ الإصابة بهذا الاضطراب بعد سنّ الخامسة والثلاثين، في حين أنّ نصف المصابين كانت قد تطوّرت الحالة معهم قبل سن العشرين.. ولا يوجد تفريق في نمط الجنس لدى المصابين بهذا الاضطراب، إذ أنّ معدّل الإصابة متساوية تقريباً بين الجنسين”.

وقالت أول متصلة “دعاء”: “أنا عندي وسواس ولازم أغسل قدماي قبل النوم ولو لم أفعل ذلك أشعر بشيء غريب وغير قادرة على النوم، وحتى في النظافة بشكل عام لدي وسواس ولكن الأمر ليس بزيادة”.

وشددت رنا: “الوسواس كان عندي وأنا صغيرة وكان لدي اعتقدا إن هناك شخص دائما سيدخل علي ويخطفني، والوسواس الأخر كان عندي أنا وبنت خالتي إن أهلنا هما عمرو دياب ونيللي وليس أهلنا الحاليين ومع الوقت كنا مصدقينها، ولكن اكتشفنا الحقيقة لما كبرنا”.

وشدد إسلام: “الموسوس أنا شغال معه وهنا تكمن المشكلة كلها، وهو مصمم لا يفهم الكلام المكتوب أمامه إلا لما يكون مضبوط ولو الكلام على PDF بيتجنن، والشغل بيبوظ ومش عارفين نعالجه إزاي”.

وقالت إيمان: “الموسوس هو زوج أختي ولديه وسوسة في النظافة ويجعل أختي يغسل يديها دائما قبل علم أي طعام، ويحضر كراتين مياه معدنية كثيرا ولا يشرب من مياه الصنبور، والأكل لا يغسل إلا من الفلتر، ودائما يقول لي لو عملت له كوب شاي يضطرني أغسل يدي، ولا يأكل عندنا في البيت ولا يشرب أي عصير في البيت، ودائما العصائر المعلبة يرى تاريخ صلاحيتها ولو مر عليه ولو يوم يلقيها، وهذا الأمر بدأ يؤثر على أولادهما وهنا تكمن المشكلة”.


الكلمات المتعلقة‎


مواضيع ممكن تعجبك