تستمع الآن

شاهد بالصور.. طالب يسجل يومه الدراسي: “مبتسم ابتسامة أمل”

الثلاثاء - ٠٣ أكتوبر ٢٠١٧

10 صور كانت كفيلة بشهرة الطالب “كيرو نجاح” الذي قرر السخرية من يومه الدراسي بتدوينات مختلفة عبر صفحته الشخصية على موقع التواصل الاجتماعي “فيسبوك”، حيث تفاعل العديد من النشطاء مع ذلك المنشور، معبرين عن سعادتهم بتلك الفكرة.

وقال خالد عليش في برنامج “معاك في السكة” على “نجوم إف إم” اليوم الثلاثاء، إن “كيرو نجاح” سجل يومه الدراسي بالكامل بداية من الاستيقاظ المبكر مرورًا بالطابور الصباحي والعودة إلى المنزل والنهاية بانتهاء اليوم والذهاب إلى النوم، عن طريق 10 صور نشرها على “فيسبوك”.

“بصحي 6 الصبح طبعا بسرح شعري و بهتم بمنظري جدا وأنا رايح المدرسة ومستني الأتوبيس اللي بيجي بسرعة رهيبة وبيبقي فاضي جدا الصبح عشان اوصل لمكان التعليم العظيم”، أول تعليق نشره كيرو على أول صورة نشرها.

بوصل المدرسة من أنضف الأماكن في الحياة.. وتقريبا حاطين الكاوتش ده يولعوه عشان منعرفش نخرج

طبعا مفيش مدرسة من غير طابور وتمارين الصباح اللولبية.. أنا عايز أفهم الفكرة من 4 سقفات!! لا بقى حد يفهمني أنا لما أسقف 4 سقفات الساعة 7 الصبح هستفاد إيه؟

مع بداية الحصص واليوم المدرسي بعد التمارين العظيمة ندخل في التعليم بقى.. إيه ده؟! فين المدرسين؟!! يووه أصلهم نسيوا يقلولنا إن مدرسين الحصة الأولي بيجوا على آخر الحصة بربع ساعة عشان الطريق بعيد.. وطبعا لسه محافظ على بسمتي وحماسي.

البريك أخيرا الوقت اللي بترتاح فيه وتقعد مع صحا.. صحااب.. مش عارف انطقها *بيعيط* إحم المهم بفضل قاعد فوق مبتسم ابتسامة أمل مش بنزل عشان الطلاب العظماء بيبقوا شوية غنم بيلعبوا فالتراب.

وطبعًا استحالة تلاقي طالب مضايق وسط فعاليات اليوم اللهلوبة دي.. بس فين المدرسين؟! يوووه هو أنا ماقولتش؟! معلش بيطلعوا فاخر الحصة اللي بعد البريك بعشر دقايق عشان بيفطروا.. أمال الناس هتتعب طول اليوم ومندليهمش غير بريك 10 دقايق ياكلوا ويرغوا فيه؟! ده حتى حرام.

وأخيرا بعد ما وصلت البيت بكامل أناقتي ووسامتي أحب أشكر المدرسة على اليوم القذر ده وحقيقي كان نفسي أقعد فيكي وقت أطول بكتير بس للأسف عندي مرارة واحدة ومش كاسبها فكيس شيبسي عشان استحمل بيها المدرسين.


الكلمات المتعلقة‎


مواضيع ممكن تعجبك