تستمع الآن

“بنشجع أمهات مصر”.. نصائح لحياة زوجية دون مشاكل

الأحد - ٠٦ أغسطس ٢٠١٧

تحدثت عزة محمود لايف كوتش، عن أزمة الثقة بين الزوجين، وذلك خلال برنامج “بنشجع أمهات مصر” مع سارة النجار على “نجوم إف إم” اليوم الأحد.

وقالت عزة، إن العلاقة بين الزوجين يجب أن تكون قائمة على الثقة، موضحة: “لو الثقة اتهزت أو اتكسرت بينهما هنلاقي كل واحد في حتة ولن يطلق عليها علاقة بأي شكل من الأشكال”.

وأشارت إلى أن من طرق الحفاظ على الثقة تتمثل في الصراحة، حيث إنهما يجب أن تكون العلاقة بينهما قائمة على الصدق والصراحة، مؤكدة أن قلة الثقة بالنفس عامل أساسي من عوامل انهيار العلاقة بين الطرفين، قائلة: “الخوف من الإفصاح عن أمر ما يؤخر حله 10 خطوات، لكن المشكلة ممكن تخلص وتنتهي بالصراحة”.

وتابعت: “لازم نقعد ونتكلم بصراحة، ولازم الراجل يبقى عايز يكسب ثقة زوجته، وهي لازم تشتغل على نفسها أنها تسامح، وعلشان العلاقة ترجع زي الأول لازم الاثنين يشتغلوا على هذا الأمر”.

وعن تأثير السوشيال ميديا، قالت عزة محمود، “لو أنا محافظة على مستوى ثقة قوي فالسوشيال مش هتأثر خالص في العلاقة بين الاثنين، أما إذا كانت العلاقة غير قائمة على الثقة فستكون السوشيال ميديا سببًا رئيسيًا في ذلك”.

كما وجهت عزة عدة نصائح إلى الأزواج، قائلة: “اللي بيبوظ العلاقة مش الحاجة اللي بتخبيها، إنما المجهود اللي بنبذله عشان نخبي ده اللي بيدمرها وبيقلل من الثقة تمامًا”.

ونوهت بضرورة وجود لغة حوار بين الزوجين، قائلة: “اتكلموا مع بعض وخلوا في شجاعة أنكم تتكلموا، ونبين لبعض إننا بنقدر وجود بعض في حياة كل منا، وإحنا اتجوزنا علشان نخلي حياة بعض أحلى”.

عزة محمود مع سارة النجار


الكلمات المتعلقة‎


مواضيع ممكن تعجبك