تستمع الآن

هند عبدالحليم لـ”عيش صباحك”: نفسي أخرج من دور بنت الناس

الخميس - ١٣ يوليو ٢٠١٧

تحدثت الفنانة هند عبدالحليم في برنامج “عيش صباحك” مع مروان قدري وزهرة رامي، اليوم الخميس، على “نجوم إف إم”، عن دورها في مسلسل 30 يوم، والذي عرض في شهر رمضان الماضي.

وقالت هند إن الممثل الجيد يجب أن يظهر دائمًا بأدوار مختلفة وجديدة، مضيفة: “لازم الممثل يغير جلده ويلعب على شكل وطريقة كلام الشخصية”.

وأشارت إلى أن ردود الأفعال عن دورها في مسلسل “30 يوم” مع آسر ياسين وباسل الخياط اختلفت كثيرا عن ردود الأفعال عن دورها في مسلسل “فوق مستوى الشبهات” مع الفنانة يسرا، قائلة: “السنة اللي فاتت كنت مكروهة جدًا بسبب دوري في مسلسل يسرا لكن السنة دي الناس تعاطفت معايا، لأن في ناس مقتنعين أن الشخصيات في المسلسلات حقيقية”.

وعن مسلسل الأب الروحي، أضافت: “عرض أكثر من شخصية علي في الأب الروحي لكنني لم أوفق فيهم، إلا أن دور ريهام الدهبي أرسل لي في نهاية المطاف على الإيميل الشخصي وقرأته وأعجبني الدور ووافقت نظرًا للدور القوي، كمان أنا بعتز بيه جدا لأنه من الحاجات الحلوة اللي عملتها في حياتي”.

وأكدت: “في مسلسل 30 يوم، اشتغلت مع المخرج حسام علي على الشخصية، وعملنا بروفات واتكلمنا مع بعض، لكن دور الممثل يكمن في تكوين شكل مختلف للشخصية أو طريقة ملابسها”.

طاقة نور

ونوهت هند عبدالحليم بدورها في مسلسل طاقة نور مع الفنان هاني سلامة، موضحة: “شخصيتي في المسلسل المخرج كان عايزها كده، كان محتاج شخصية تقدر تتحول 360 درجة من مرحلة الفرح إلى مرحلة انقلاب وانتقام”.

وتابعت: “بحب اشتغل مع المخرج حسام علي وبرتاح في العمل معاه، كمان المخرج الكبير هاني خليفة اتعلمت منه حاجات كثيرة، وتعبت في التصوير معاه في (فوق مستوى الشبهات)، وآخر يوم تصوير شكرته لأنه علمني بعض التفاصيل الجديدة، أما المخرج بيتر ميمي فهو من أكثر المخرجين المريحين اللي اشتغلت معاهم”، مؤكدة: “المخرج اللي بيشتغل مع الممثل ده أحسن لإنتاج عمل أفضل وده كمان في مصلحتي لأنه هيبقى عاوز يطلعني بشكل أفضل”.

وعن خطواتها المقبلة، قالت: “من دلوقتي خطواتي هتبقى محسوبة، في الأول كنت محتاجة خبرة واشتغلت في أكثر من عمل، لأن عشان توصل في المجال ده محتاج خبرة كبيرة وخطوات أكبر”.

المسرح صاحب فضل

وتحدثت هند عن المسرح، مشيرة إلى أن بدايتها المسرحية كانت هي السبب في انطلاقها إلى عالم الدراما التليفزيونية، موضحة: “بحب المسرح لأنه أبو الفنون، وله فضل كبير جدا عليّ وهو اللي طلعت منه، وكمان مفيش حاجة سهلة فيه سواء تمثيل أو غناء، وأنا بدي كل حاجة حقها سواء في الغناء أو في التمثيل”.

وأوضحت أنها تعكف حاليًا على تصوير الجزء الثاني من مسلسل “الأب الروحي” بالإضافة إلى مسلسل “الشارع اللي ورانا”، متمنية العمل في أحد الأعمال السينمائية المقبلة.

وعن دورها المفضل، أجابت: “نفسي أخرج من دور بنت الناس، عايزة أعمل حاجة شعبي مختلفة، لأن الممثل يقدر يعمل أي حاجة، ونفسي أشتغل مع المخرجين شادي الفخراني، ومروان حامد، وشريف عرفة”.


الكلمات المتعلقة‎


مواضيع ممكن تعجبك