تستمع الآن

ساخرون يرصدون الوصايا العشر لـ”أكل المانجة”

الأحد - ٢٣ يوليو ٢٠١٧

تداول مستخدمو مواقع التواصل الاجتماعي بشكل ساخر، 10 وصايا لأكل المانجو.

ووفقا للخبر الذي قرأه خالد عليش، عبر برنامج “معاك في السكة”، يوم الأحد، على نجوم إف إم، فقد جاءت النصائح على النحو الآتي:

1- 97% من بياعين المانجة لما تيجي تشتري منهم أي نوع وليكن نوع اسمه هاجر مثلا، هيقولك، الله عليك يا باشا، دة أنت أكيل مانجة بقي عشان تطلب تاكل هاجر بالاسم.

2- مرحلة الانغماس في أكل المانجة بتبدأ من شرائها وإنت بتمسكها وتشمها وتدخل ريحتها على نغاشيشك، وتداعب عقلك وتجري ريقك وتبتسم ابتسامة بلهاء لا إرادية وتعرف إنها المانجة المختارة.

3- كفاية عنصرية بقى وتعصب لنوع واحد من المانجة، كل مانجة ذات شخصية مستقلة قوية هتفرضها عليك، إلا لو تعصبك ده للفص العويس، فاتعصب براحتك حضرتك يعني.

4- المانجة ما بتتاكلش بالواحدة أغسلك تلاتة أربعة مثلا إلا لو جايب صديقة الواحدة نص كيلو ولا فجر كلان الواحدة كيلو إلا ربع يبقي واحد كفاية أوي.

5- المانجة ما تتاكلش عند ضيوف، إوعي تاكل المانجة عند ضيوف، برستيجك هيتبعتر يا رمضان يا سكري، أقولك لفها في كيسة سمرة.

6- المانجة ما تتاكلش في الحمام ياخوانا مايصحش يعني تتاكل في الصالون عالسجادة الغالية احتراما وتبجيلا ليها وخلي حمادة ابنك ينبسط.

7- المانجة المتقطعة اللي بتجيبها من عند بتاع العصير دي تجيبها لخطيبتك، عايز تدلع مراتك والولاد، مش عايز توسخ سجادة الصالون، لكن أنا عارف وإنت عارف إن جزء من حلاوة المانجة يكمن، واسمح لي أقول يكمن عادي كدة وسط الكلام، في عمل قُصة للبذرة مع امتصاص العصارة كاملة.

8- لو شافتك وإنت بتاكل مانجة ولسة بتحبك اتجوزها ونفس الكلام ليكي، ودة عن طريق مقياس #المانجو_ميتر لقياس مستوي الحب، معروفة.

9- المانجة تاني أكثر شخص بعد والدتك، اللي هتبسطك وتحنو عليك وإنت زعلان وتفرّحك وإنت مبسوط برضه ييجي في المرتبة الثالثة الملوخية والرابعة البيتزا.

10 – الصدّيقة: خضرا في أحمر وكبيرة ومليانة لحمة وعالمية عالمية عالمية.

العويس: صفرا ولازم تتاكل ناشفة وإلا تبقي باظت وطعمها حاجة خيال.

الفص العويس: أغلى الأنواع وأصغرهم وطعمها مقارب للعويس مع نكهة وسكر مضاعف، حاجة كدة أفيون يتاخد حقن مش مانجة أبدا.

الفونس: مستديرة وصفرا على حمرا على أخضر  ولحمها برتقالي غامق وطعمها حلو جدا.

التيمور: خضرا منقطة بأخضر غامق وقليلة في السوق بس نكهتها مميزة حاول تجربها.

الهندي: خضرا ولحمها قليل وعادة بتبقي حلوة بس السنادي شكلهم غشينها ولا إيه.

السكري: صفراء وسكر ثم سكر ثم سكر وحاجة كدة على قد الإيد تنبسط.

الزبدية: خضرا وأحجام كبيرة ورخيصة والأفضل للعصير والتخزين.


الكلمات المتعلقة‎


مواضيع ممكن تعجبك