تستمع الآن

عمرو يوسف يوجه رسالة لكندة علوش عبر “إحكي ياشهريار”

الخميس - ٢٢ يونيو ٢٠١٧

وجه الفنان عمرو يوسف، رسالة إلى زوجته كندة علوش، عبر برنامج “إحكي ياشهريار” مع جيهان عبدالله، على إذاعة “نجوم إف إم”، اليوم الخميس.

وقال عمرو يوسف: “مراتي أنا بحبك جدًا ودايما نفسي نفضل أصدقاء لأن الصداقة هي أكتر شيء بيستمر، ودائمًا متفهمين حياة بعض وشغل بعض”.

وعن لحظة الاعتراف التي كشف فيها عن حبه لكندة، قال: “مكنش عندي لحظة اعتراف، وإنما الموضوع جه مع الوقت”.

وأضاف عمرو يوسف: “نفسي أبقى شهريار، ده حلم أي راجل، ده كان عايش في قصر وبياكل فاكهة كتير وحواليه ستات كتير”.

هل “باسورد” هاتفك تعرفه زوجتك؟، “مش لازم تبقى عارفة الباسورد، في حتة في النص أنا بحبها مش بالضرورة تطلب رقم الباسورد ومش بالضرورة تبقى عارفاه، ولا أنا برضه أبقى عارف الباسورد بتاعها”.

وأكمل: “المرأة مش مهضوم حقها خالص، في بعض المضايقات تتعرض لها السيدات في الأماكن العامة، ولكن المرأة المصرية قوية ولا تترك حقها”.

وتابع عمرو يوسف: “خيانة الست غير مبررة وخيانة الرجل أيضًا غير مبررة، الراجل مش من حقه يبص بره، ولو بص بره ميتقفش”.

وعن أحلى شيء في الزواج، أجاب: “الاستقرار، وعمري ما ضربت ست ولا أحب أبدًا إني أعمل كده”.

كما وجه رسالة إلى شهرزاد، قائلا: “الست لما تلاقي الحب الحقيقي تجري وراه ولما متلاقيش الحب مش لازم ترتبط، الست المصرية في الأعوام السابقة تفكيرها اختلف وبقى عندها إحساس بالاستقلالية، المرأة كائن مهم وزيها زي الراجل، وفي حاجات الرجالة ممكن يكونوا أقوياء فيها، لكن في حاجات السيدات أكتر بكتير أقوى فيها”.

إعلانات رمضان

وعن تعليقات الجمهور على إعلانات رمضان مع كندة، أجاب: “الموضوع كان دمه خفيف، الإعلانات لاقت استحسان الجميع، وتعليقات الناس ظريفة ودمها خفيف، وأنا مش متضايق منهم”.

وعن مشروع رمضان 2018، قال: “أنا معرفوش لحد دلوقتي، ووارد تجمعني حاجة بكندة، وبرتاح في الشغل معاها، ولو لقيت سيناريو مناسب هنشتغلوا”.

“عشم أبليس”

وتابع: “جراند أوتيل عمل استثنائي مبيجيش كل سنة ومبيجيش كل 10 سنوات، فلو فضلت أفكر أنه نجح المرة دي فأقعد في البيت معملش حاجة، مش هعمل حاجة وهفضل محلك سر، لكن وجهة نظري إني لازم اشتغل أكتر على أساس أقدر أعمل حاجة تخلي الناس متقولش إن مستوايا أقل من العام الماضي”.

وأوضح أن آخر 3 حلقات من مسلسل “عشم إبليس” يحملون مفاجآت قوية جدًا، معربًا عن سعادته لنجاح المسلسل الذي عرض خلال شهر رمضان، موجهًا الشكر للمشاهدين على التعليقات الإيجابية عن دوره بالمسلسل.

طقوس عيد الفطر

وكشف عن طقوسه في عيد الفطر، قائلا: “أول يوم في العيد مع أهلي وسط الكحك، وكمان بقضي الإجازة نوم لأن ضغط تصوير رمضان قاتل”.


الكلمات المتعلقة‎


مواضيع ممكن تعجبك