تستمع الآن

“اتفقنا”.. مريم أمين عن زيادة أسعار الوقود: إجراء سيسهل علينا حاجات أكثر بعد ذلك

الخميس - ٢٩ يونيو ٢٠١٧

ناقشت مريم أمين، عبر برنامج “اتفقنا”، يوم الخميس، على “نجوم إف إم”، عن الحديث عن زيادة أسعار الوقود والمحروقات.

وقالت مريم في مستهل حلقتها: “اللي إحنا بنمر بيه صعب ولا يتحملوا غير شعب قوي، إحنا ناس مش عارفين يلاقوا لنا كتالوج، ولو قارنت نفسك بالدول الأوروبية اللي نفسنا نبقى زيها هتلاقي إنهم ماشيين بالنظام ده، في قرار نزل يبقى الكل ملتزم”.

وتابعت: “كونوا على ثقة إن مفيش حد عايز يضايق الشعب، ده إجراء سيسهل علينا حاجات بعد كده، ومطلوب من المسؤولين الفترة المقبلة العمل على تهدئة الناس، إحنا في قافلة واحدة، النهاردة لما نتذمر ونقفلها في وش بعض مش هيكون ده الحل”.

وعن ثورة 30 يونيو، أضافت مريم: “أنا نزلت 30 يونيو، مكنش ينفع يودينا حد في سكة إحنا مش عايزينها، أنا عارفة إن في صعوبات كتير بس نتناولها باحترام”.

وتلقى البرنامج، اتصالات هاتفية من عدد من المواطنين للحديث عن القرار الحكومي الأخير، حيث قال أول متصل يدعى أحمد: “المسؤولون ينظرون للشعب من منظور الدولة وإحنا بنبص من منظورنا الشخصي، لازم يكون في رقابة أكثر من هذا، ويجب أن يراعى المسؤولون المواطن، والشعب مش عارف هيعمل إيه أكتر من كده”.

وأوضح أشرف: “أنا سائق تاكسي، وكل مشتقات البنزين زادت وقطع الغيار زادت بنسبة 400%، فين الرقابة على الأسواق، المحافظ لا يتحرك إلا بالوقفات الاحتجاجية”.

كما تحدثت مريم أمين، عن قطع العلاقات مع قطر، قائلة: “صعب تكون شايف اللي بيكرهك ومش عارف تعمل إيه، إلى أن يشاء ربنا إن يكون في قرار شبه موحد أن قطر تقف عند حدها وتكون في الموقف اللي هي فيه دلوقتي”.

وأكدت: “عملت على الإرهاب وتفتيت دول عربية وكان في فرحة كبيرة، لأن قطر كارهه مصر من غير أسباب، وكان في حد صغير قوي كاره حد كبير قوي، لكن الشعب القطري ليس له ذنب، والحكومة هناك في حالة اندهاش”.


الكلمات المتعلقة‎


مواضيع ممكن تعجبك