تستمع الآن

فتاة تحكي قصتها الملهمة في خسارة 30 كيلو من وزنها بسبب هاشتاج

الثلاثاء - ٠٧ مارس ٢٠١٧

روت شيماء الجمال، وهي أم لـ3 أطفال، وخاضت تجربة قوية لخسارة وزنها بشكل كبير دون اللجوء للعمليات الجراحية أو خرافات ورقة الدايت المعلقة على الثلاجة.

وقال شيماء في مداخلة هاتفية، مع رنا خطاب، عبر برنامج بنشجع أمهات مصر”، يوم الثلاثاء، على نجوم إف إم: “قدرت أخسر أكثر من 30 كيلو من وزني، كان 95 ووصلت لـ65 كيلو، والفكرة مختلفة عندي لأني بلعب رياضة فالعضلات كانت بتوزن وممارسة الرياضة تجعلك تنزلي الدهون ومهتمة بالشكل والنسب الصحيحة لجسدي”.

اقرأ أيضا – 10 نصائح تساعدك على إبراز جمالك وخسارة الوزن الزائد

وأضافت: “فضلت 4 سنوات بالوزن الأول وشعرت أني أخسر حاجات كثيرة، فجسدي كان يؤلمني باستمرار وحتى اللعب مع أولادي تأثر، وشعرت بأني لا أريد أن أكمل في طريقي بهذا الشكل، وحاولت فترة لمدة سنة أجرب ورقة دايت وحبوب التخسيس ولم تأتِ بنتيجة، لما بدأت بالمنهج الصح أخذت سنة وشهرين، ومفيش أي تدخل جراحي، فقط نظام غذائي ومواظبة على الرياضة”.

وتابع: “معظم الناس لو تحركوا فقط يقدروا يظبطوا أكلهم لأن ثقافتنا في الطريقة الصحية للأكل شبه منعدمة، وحتى من هو رفيع فيأكل بشكل خاطئ وأكل من السوق به دهون عديدة وغير قادر على الحرق الصحيح”.

وأردفت: “ما عطلني في البداية هو أني مشيت على الأفكار التقليدية إني لا أكل بليل وأكل كالوري قليلة وحرمان من كل حاجة، الطريقة التقليدية بتاعت الورقة اللي على الثلاجة مدمرة جدا، ولم أكن ألعب رياضة بالشكل المنتظم، والكلام الخاطئ اللي بيقوله دكاترة التخسيس”.

وشددت: “أول خطوة صح عملتها بدأت أغير أفكاري الخاطئة حول الأكل وشكل الجسم وإني أخس لكي أعجب الناس، أهم حاجة أشتغل على نفسي، وبدأت أعمل متابعة لكل الصفحات الملهمة على مواقع التواصل الاجتماعي والأبلكيشن المفيدة، وعملت أكل صحي وبطلت الأكل السريع وبدأت ألعب رياضة باستمرار، وعملت هاشتاج باسم (#من_الكرش_للكيرفي)، وشيرت عليه صوري كل ما أخس وهذا أفادني جدا لأن أصدقائي شجعوني ودعموني كل ما كنت بنزل حاجة جديدة، واشارك باستمرار كل أفكاري مع الناس”.

صباح الفل عليكم..أنا عايزة النهاردة أقولكم عن شوية حاجات بمجرد ما تبطلوها وزنكم هينزل حتى لو ما قللتوش أكلكم ولا لعبتوا رياضة.. طبعًا لو قللتوا السعرات واتحركتوا شوية مع تبطيل الممنوعات دي هتحسوا بتغيير فظيع في الوزن وشكل الجسم.. هل الحاجات دي ممنوعة زي المخدرات؟ أكيد لا ممكن مرة كل كام يوم تدوقوا حاجة من دول على نفسكم حسب الظروف.. كل ما قاومتوا أكتر كل مالنتيجة هتكون أحسن. 1-الملح والسكر قللوا الملح والسكر بقدر الإمكان في الأكل لحد ما تتعودوا على طعم الأكل من غيرهم أو بكمية قليلة قوي.. أنا دلوقتي كل الأكل بالنسبالي مالح قوي أو مسكر بزيادة وده أصلا بيخليني أزهق من الأكل برة وما أعرفش أكمله. لو بتروحوا كافيه قولولهم إنكم عايزيين الأكل من غير ملح أو سكر يا إما هنرجعه.. هيحطوا برضه بس هتلاقوه أقل في النهاية. 2-كل ما هو محمّر (مقلي) في الزيت البطاطس المحمرة والبانيهات والشيبسيات كل ده امنعه تمامًا واستبدله بحاجات مخبوزة في الفرن أو مشوية. 3-جميع أنواع العصاير سواء المعلبة أو غير المعلبة ابعد عن العصاير في بداية الدايت، في الكافيهات بتبقى مليانة سكر، والمحفوظة مليانة سكر، وحتى إللي في البيت هتخليك تعدي استهلاكك من السكر.. لو عايز تاخد حاجة في البيت اكتفي بثمرة واحدة بس وكمل الباقي لبن أو مية.. يعني مثلا ممكن تاخد موزة أو جوافاية واحدة باللبن أوكيه. 4-وقف كل أنواع الحلويات والمخبوزات إللي معمولة بالدقيق الأبيض واستبدلها بمخبوزات القمح الكامل زي العيش البلدي والسن.. انسى الباتيهات والكرواسونات والكيك والجاتوهات نهائي. 5- أنا عارفة إنه صعب جدًا بس لو عرفت تستبدل المكرونة والرز الأبيض بالبديل البني يبقى تمام ما عرفتش يبقى تاكلهم بالميزان وتحسبهم كويس.. 6- المربي والحلاوة والنيوتيلا وزبدة الفول السوداني وكل إللي شبههم. وبالمناسبة تقدر تعمل نيوتيلا وزبدة فول سوداني خفيفة وصحية في البيت. 7-المكسرات المملحة توقفها وتاخد بدالها مكسرات ولب سوري غير مملح. 8-المخللات- المايونيز- الكاتشب- الصوصات. توقفهم تمامًا وتتعلم تعمل صوص صحي قليل السعرات في البيت. 9-كل المشروبات الغازية. ولو هتشرب، بيريل والشعير أحسن اختيار. 10- امنع كل أنواع القهوة إللي اساميها غريبة.. لاتيه، فرابيه، العب باليه..كل الكلام ده امنعه تمامًا يا تشرب قهوة تركي، يا نسكافيه بلاك، يا نسكافيه عادي بلبن خالي الدسم ومعلقة سكر. 11- اي حاجة معلبة ومقفولة من السوبرماركت حتى العلب المحفوظة بتاعة الأكل كلها ملح وسكر ومواد حافظة بتتخن. 12- الجبن المطبوخة والمالحة قوي.. خليك في القريش #من_الكرش_للكيرفي

A post shared by Shaymaa El-Gammal (@shayelgammal) on

ووجهت نصيحة لكل سيدة، قائلة: “أول حاجة إنهم ينسوا كل الأفكار اللي سمعوها عن الخسسان، وعليك بالذهاب للجيم وشيلي حديد وادخلوا أونلاين على مصادر مفيدة والناس تأكل صح وتتمرن صح، وفيه مصادر أونلاين فيها معلومات حلوة وناس تشجع بعض بجد”.

واختتمت: “اللي هيساعد أي سيدة إنها تخس هو أنها تفعل ذلك من أجل نفسها وتحاول يكون هو ده اللايف ستايل بتاع حياتها ولا تخس عشان فستان عاجبها أو فرحها أو رأي الناس، لو عشان نفسك وصحتك بالتأكيد ستكملين الكورس الذي بدأتيه، فأنا أتدرب 5 مرات في الأسبوع وأسير بنظام حساب الكالوري وبقالي فترة ثابتة على وزني أو بنزل”.

اقرأ أيضا- منى راداميس لـ”عيش صباحك”: احذروا من “ريجيم القطن” والتقاليع الشاذة لإنقاص الوزن


الكلمات المتعلقة‎


مواضيع ممكن تعجبك