تستمع الآن

للرجال فقط: لماذا يتم اتهام الرجل بالخيانة حينما يهتم بنفسه؟

الثلاثاء - ٢٨ فبراير ٢٠١٧

“ليه الست بتشك في الراجل لما بيتشيك؟”، سؤال افتتح به كريم الحميدي حلقة اليوم من برنامج “كلام خفيف” على نجوم إف إم، لطرح موضوع شك السيدات الشديد في الرجال وتخوينهم دائما.

وجاءت البداية مع أحمد الذي قال: “أنا صاحب بيوتي سنتر، عايز أقولك إن من ضمن الدعاية الي بعملها للمكان صور الستات قبل وبعد المكياج، ومتزوج من دنماركية وخود المفاجأة الكبيرة بقى، متفرقش أي حاجة عن الست المصرية، الأجنبية طالما اتفرجت على أفلام السبكي خلاص راحت، عايز أقولك بقى نفس الشك ونفس حب النكد لدرجة إني لو دخلت الأوضة أكلم واحد صاحبي أبقى بخونها، حتى لو نزلت لابس نضيف شوية يبقى أنا نازل أقابل واحدة على طول”.

اما فيروز، فأضافت “لو زوجي بيخرج في معاد معين مع صحابه بشكل معتاد وبعدين فجأة ألاقيه حريص على إنه ينزل بشكل أشيك يبقى لازم أشك، ولكن الحاجات الي بتكشف خيانة الراجل مش لبسه ولا شياكته، بس مثلا حالته المزاجية وإنه يسرح كتير وهو قاعد وتلاقيه بيسمع أغنية معينة، وهو راجع من برة لازم الست تشوف شكله مبسوط ومرتاح ولا إيه نظامه”.

وجاء الختام مع رايا صاحبة الأصول الدنماركية العراقية، والتي أكملت “الموضوع مش مستاهل ما تسيبيه يعمل الي عايزه، الراجل لو عايز يعمل حاجة حيعملها ومش لازم يكون متشيك أو لابس نضيف وحالق ذقنه، وهذا الكلام نابع من النصفين الدنماركي والعراقي في شخصيتي”، وأتمت مازحة “صديقاتي المصريات يقدمن لي النصائح التي تتمثل في ضرورة عدم الثقة بشكل كامل في زوجي والانتباه لأفعاله جيدا”.

واختتم كريم الحميدي الحلقة، موجها لرايا نصيحة بضرورة عدم الالتفات لنصائح صديقاتها المصريات، وترك مساحة من الحرية لزوجها


الكلمات المتعلقة‎


مواضيع ممكن تعجبك