تستمع الآن

شريف مدكور يقدم طريقة سهلة لعمل “بلح الشام”

الإثنين - ٣٠ يناير ٢٠١٧

قدم شريف مدكور عبر برنامج “كلام خفيف”، يوم الإثنين، على نجوم إف إم، طريقة سهلة لعمل “بلح الشام” في المنزل.

وجاءت المقادير كالتالي:

(عجينة بلح الشام) كوبايتين دقيق – كوبايتين ماء – نصف كوباية زيت – 5 بيضات – نصف كوب زيت نباتي – رشة ملح – باكو فانيليا

(العسل) كوبايتين سكر – كوب ماء – معلقتين عصير ليمون – معلقتين ماء ورد.

الخطوات:

•نسخن الماء والزيت ورشة الملح والفانيليا مع بعض في حله واسعة أول ما يغلي نحط الدقيق ونقلب بمعلقه خشب لغاية ما العجينه تلم مع بعض وتبقي قطعه واحدة نشيلها من الحله ونسيبها تبرد قليلا.

•نضع العجينة بعد ما بردت في بولة واسعة ونضيف عليها بيضة بيضة وإحنا بنقلب بالمعلقه الخشب.

•في النهايه العجينة هيبقى لونها فاتح وبتلزق في المعلقة الخشب (كده يبقي إحنا ماشيين صح).

•نضع العجينة في كيس الحلواني ونضع البلبلة بتاعت بلح الشام (نفس بلبلة الكريمة الواسعه)

•نضغط على كيس الحلواني وننزل بلح الشام في الزيت السخن.

•نسخن كوبايتين السكر مع كوباية الماء ومعلقتين عصير الليمون ومعلقتين ماء الورد لغاية ما يعقد (يتقل).

•نطلع بلح الشام من الزيت ونضعه في العسل.

•علشان بلح الشام بتاعكم يطلع مقرمش ضعوا بلح الشام السخن في العسل البارد.

 


الكلمات المتعلقة‎


مواضيع ممكن تعجبك