تستمع الآن

مستمعو “معاك في السكة” يسرحون في الخيال العلمي: نعمل “مملكة سواقين الميكروباص”

الأربعاء - ٣١ أغسطس ٢٠١٦

اقترح خالد عليش، عبر برنامجه “معاك في السكة”، على نجوم إف إم، على مستمعيه ابتكار فكرة للعيش في عالم من الخيال العلمي على غرار المسلسلات والأفلام الشهيرة.

وقال متصل يدعى وليد: “ممكن نعمل فكرة حاجة مثل مسلسل (جيم أوف ثرونز)، بأن يكون  فيه أنوع من البشر عايشين في مكان لهم نفس الاهتمامات والأشكال يعني مثلا نعمل (مملكة سواقين الميكروباص)، أو مملكة المحامين، ناس شبه بعض وكل واحد له حاجات خارقة، الميكروباص مثلا يبقى مجنح ويعدي من المطبات والحفر والبلاعات”.

فيما أضاف عبدالرحمن: “ممكن نعمل فيلم نخلي فيه اللبن الصناعي يحول الأطفال لعملاقة ويكسروا في البلد”

بينما قالت دنيا: “ممكن نعمل فيلم عن واحدة راكبها جن وعفاريت وتواجه صعوبات في حياتها، ولكن بعد فترة تقتنع بالفعل أن هذا لجن متعايش معها وترتبط به ويلازمها حياتها”.

فيما أضافت سمر: “عايزين نعمل قصة عن فيروس بينتشر في البلد ويصيب الموظفين بشكل عام ويتحولوا لزومبي من 7 الصبح إلى 7 بليل ويقومون بأذى المديرين السيئين، واللي تقترح عليهم فكرة يقولك إنت مقولتش حاجة جديدة”.


الكلمات المتعلقة‎


مواضيع ممكن تعجبك