تستمع الآن

متصل لـ”معاك في السكة”: عايزين نرجع لزمن المقايضة بـ”البيض”

الأربعاء - ١٧ أغسطس ٢٠١٦

قرأ خالد عليش عبر برنامجه “معاك في السكة”، المذاع على نجوم إف إم، يوم الأربعاء، خبرا عن مذيع دخل المستشفى إثر حادث وقع له وأدخلته في غيبوبة طويلة، وعند إفاقته كان مقتنعا أنه في غير زمانه وأنه عائد من الماضي، وطرح عليش على مستمعيه تساؤلا “لو عايزين ترجعوا بالزمن، تحبوا تعيشوا في أي فترة زمنية”.

وقالت سارة: “عايزة أرجع لسنة 2000 وقت الكلية ولكن بفهم ونضجي العقلي الحالي، كنت سأتخذ قرارات أفضل في حياتي.. فمثلا كان نفسي أكمل في دراستي، وأكمل دراسات عليا وأدرس في الجامعة”.

فيما قال معتز فكرة مجنونة، موضحا: “عايز أعيش في الفترة اللي كان فيها (المقايضة) بالبيض والعيش، أحلى زمن من وجهة نظري، الحياة كانت أبسط تأكل وتشرب وتعيش الدنيا، دلوقتي إحنا الدولار وموال وحاجات معقدة، وأنا بقى حينها هيبقى عندي اكتفاء ذاتي من الحاجة اللي سأقايض بها الآخرين، وكل واحد هيدي التاني اللي هو محتاجه بكل سهولة، وأنا سأتخصص في الأرانب لأنها بتخلف كتير وأبقى غني ومحتكر الأرانب”.

فيما قال محمد: “نفسي أرجع أيام السبيعنيات، أيام الميكروجيبات والبنات كانوا حاجة لطيفة مش دلوقتي حاجة صعبة، وكانت الدنيا أريح تشوفهم في الأفلام كده رايقين والمشاكل أقل، لكني دلوقتي إحنا في من كله قالب على بعضه”.

وأشار مايكل: “بحلم أرجع لأيام الفراعنة، أنا أساسا شغال مرشد سياحي، وفجأة تخيلت نفسي بشتغل حلاق رجالي في معبد أمون، وهما في الصور على المعابد كانوا مهتمين جدا بالنظافة الشخصية، وكل يوم بيقدموا القرابين فتجدهم واقفين طوابير أمامك يحلقوا قبل ما يدخلوا المعبد.. وأكيد كان بيكسبوا ذهب”.

وشدد محمد: “نفسي أعيش في زمن لا يوجد به سوشيال ميديا نهائيا، بقت حياتنا عاملة زي القنبلة منتظرين تنفجر في أي لحظة من كثرة المشاكل والأخبار السلبية، حتى لو قاعد مع أصحابك على القهوة كله ماسك الموبايل أو مع أهلك وزوجتك، أصبحت تشعر أنك معزول عن العالم مع إن فيه ناس حولك”.

فيما قال متصل: “نفسي أروح عصر صلاح الدين الأيوبي وقطز والشخصيات التاريخية، ونعمل معاهم اتفاق، إن هما ييجوا زماننا لفترة، ونشوف هيتعاملوا إزاي مع أزمات مثل التحرش، والزحام على المحور والدائري”.


الكلمات المتعلقة‎


مواضيع ممكن تعجبك