تستمع الآن

متصلة لـ”معاك في السكة”: عايزة عريس مشهيص وفرحنا يكون بالمايوهات

الخميس - ١١ أغسطس ٢٠١٦

بطريقته المعتادة والساخرة، طرح خالد عليش سؤالا مجنونا على مستمعي نجوم إف إم، عبر برنامجه “معاك في السكة”.

وقال “عليش”: “لكل اللي بيسمعونا ومتزوجين أو مقبلين على الزواج، دماغك رايحة فين لو بتجهز لفرحك أو عملت فرح وفكرت تعيده من جديد، قول لنا شكل فرحك وملابسك هيكون إيه”.

وقال أحد المتصلين ويدعى باسم: “أنا لسه متجوز، ولكن مراتي الحقيقة مدبرة ودماغها شغالة، ورفضت شراء فستان فرح جديد وقام بتفصيله وكلفنا 3 آلاف جنيه فقط، ثم قررت طرحه للبيع على أحد المواقع الشهيرة بعد الفرح، وانهالت علينا الطلبات لشراءه”.

فيما أوضح متصل آخر ويدعى هشام، أنه يعتزم إعادة عمل فرح من جديد، وفسر في اتصاله مع “عليش”: “الفرح كان فيه مشكلات وقصص غريبة، زي إن البوكيه لازم يتحدف لبنت خالة العروسة والأهل كانوا في حالة حرب بسبب حاجات بسيطة كانت ممكن تعدي، ولذلك قررت أخذ زوجتي والذهاب في رحلة نيلية في يخت جميل وأيضا زفة جديدة في سيارة مكشوفة، المهم نتبسط، كما أن عروستي كانت لابسة كوتشي على الفستان خلال الفرح”.

فيما قالت المستمعة ميرنا: “كل ما أتخطب أفسخ الخطوبة وهذا تم مرتين، العرسان بيبقوا مكلكعين مفيش حد روش أو يشهيص دماغه معايا”.

وأضافت: عايزة أعمل الفرح على البحر، والساعة 3 العصر والزي الرسمي يكون المايوه والشبشب.. وغالبا هيبقى في رأس البر.. وممكن ألبس البورنس لونه أبيض فوق المايوه.. ويكون العريس بالمايوه الهاوي فقط.. وأنا من دمياط أساسا فرأس البر قريبة مش هيبقى تكلفة على أحد.. ونعزم الشباب الحلو مش المعازيم المربطين وخانقين نفسهم ويتريقوا على العرسان، ولو ملقتش حد يطاوعني هعمله في أي كافيه بقى”.

فيما تمنت ياسو أن يكون فرحها بأكمله بالملابس الهندي والأغاني أيضا والرقصات الهندي.


الكلمات المتعلقة‎


مواضيع ممكن تعجبك