تستمع الآن

“للرجال فقط”..الستات “منفسنين” ومتصلات يهاجمن التعميم

الثلاثاء - ٠٩ أغسطس ٢٠١٦

ناقش الثنائي أكرم حسني وكريم الحميدي عبر برنامج “للرجال فقط”، مشكلة “نفسنة” السيدات بين بعضهما البعض.

وقال الثنائي أكرم وكريم عبر برنامجهما المذاع على نجوم إف إم: “الستات منفسنين مع بعض بيحسدوا بعض وباصين لبعض في كل حاجة، في الشراء، وقصة الشعر، والأزواج.. حط كل البنود اللي ممكن تحتمل، حتى البرنامج اللي اتعمل اسمه نفسنة بيقدمه 3 ستات، ويجيبوا رجل ينفسنوا عليه”.

وأضاف الثنائي “نفسنة وحسد وغيرة صفات لازم تلاقيهم مقترنين بالسيدات.. أغلب مخاليق ربنا هما الرجالة”.

وقالت متصلة تدعى شاهيناز: “بضحك وأنا بسمعكم، لكن أحيانا بيجيلي شلل، مواضيع الحلقات بها حاجات حقيقة ولكنها هناك تعميم في كلامكم وتشعرونا أن الستات زومبي بناكل الناس، والرجالة غلابة”.

وأضافت: “كلامكم مش حقيقي والست بتشتغل وعندها عيال ولا تقعد تنفسن على كل الناس.. وما يحدث بيننا ده رغي بنات مش سواد وليس هناك غلا وحقا بيننا، والحاجات اللي بتتكلموا عنها موجودة ولكن إنت كرجل بتعطي مساحة مساحة للبنت لما تبقى فاضية ومش وراها حاجة فتظهر الحاجات السيكوباتية، والمهم الرجل يشجعها ويدفعها للأمام”.

أما رُبى فقالت عن النفسنة في البنات: “صديقتي ترفض تماما ان تصف أي أنثى غيرها بأنها جميلة، حتى الممثلات دائما ما تقول عليهن (كله Fake، جمالها مش طبيعي، بالعمليات)، حنى انها ترى نفسها أحلى من أي ممثلة”.

وكان الختام مع سهر، التي أكدت “لماذا تعتبرونها نفسنة؟ لماذا لا تعتبرون ان كل امرأة تتطلع لأن تكون أفضل؟”


الكلمات المتعلقة‎


مواضيع ممكن تعجبك