تستمع الآن

عيش صباحك.. أقوال الأم المأثورة

الإثنين - ٢١ مارس ٢٠١٦

احتفالا بعيد الأم، طالب مروان قدري عبر برنامج “عيش صباحك” على نجوم إف إم، مستمعيه بمشاركته بأكثر الجمل التي تستخدمها أمهاتهم.

فجائت الردود المضحكة كالتالي:

التهديد

– ماما انا مش لاقي كذا؟ “و لو قمت جبتهالك ؟”.

– والله لا اكسر لك رقبتك على صدرك.

– والله لاسيب لكم البيت وامشي.

– بكرة تعرفوا قيمتى لما اموت.

– بكرة تعرف قيمتى لما تتجوز.

– بكرة نقعد جنب الحيطة ونسمع الزيطة.

– بكرة نشوف مجايبك، وهنا تقصد زوجة المستقبل.

– هاقوم لك

النصيحة

– يا بنى سيب الزفت اللى في إيدك ده وقوم ذاكر لك كلمتين ينفعوك. 

– عينيك هتطلع من وشك من كتر الفرجة على التلفزيون أو البص فى الموبايل.

– خد بنت خالتك، مؤدبة و عارفينها. 

– يا ريتك حافظ دروسك زي ما انت حافظ الأغاني.

شتائم

– يا زفت.

– يا فاشل.

– أنا اصلا معرفتش أربيكم.

أقوال مأثورة

– كنت فين لحد دلوقتي؟

– البيتزا الي بعملها أحلى من بتاعة المحلات. 

– أنا رميت طوبتك.

أم لأطفال

– شيل صباعك من مناخيرك.

– القلم هيخش في عينك.

– ما تشخبطش على الحيطة.

– افتح بوقك. 

– بطل تنطيط على الكنبة.

– اطلع من الغسالة.


الكلمات المتعلقة‎


مواضيع ممكن تعجبك