تستمع الآن

ريجيم البيتزا وأزمة شوكولاتة عالمية وبطلة مصرية جديدة في عيش صباحك

الأربعاء - ٢٤ فبراير ٢٠١٦

مفيش أحلى من إنك تبدأ يومك بأخبار غريبة، تبسطك وتحسسك بالأمل أو على الأقل ترسم بسمة على وشك، وهو ده الي بيعمله مروان قدري ودانا حمدان في “عيش صباحك” على نجوم إف إم.

انضمام عضو جديد لأبطال مصر في أوليمبياد ريو دي جانيرو

تأهلت البطلة مها خالد عامر، لاعبة المنتخب الوطني الأول للغطس، للمشاركة في أولمبياد ريو دي جانيرو، المقرر إقامتها الصيف المقبل، خلال مشاركتها في منافسات بطولة كأس العالم للعبة والمقامة حاليًا بالبرازيل.

وانضمت مها لزميلتيها بالمنتخب مها عبد السلام وحبيبة اشرف، اللتان تأهلتا من قبل لأولمبياد البرازيل.

وارتفع عدد اللاعبين المصرين المتأهلين لنهائيات دورة الألعاب الأولمبية المقبلة لـ85 لاعبي ولاعبة منهم حبيبة أشرف في الغطس و 6 لاعبين و3 لاعبات من منتخب رفع الأثقال وعدد من السباحين هم أحمد أكرم ومروان القماش وفريدة عثمان ومحمد خالد عيسي ولاعب العاب القوي إيهاب عبدالرحمن و12 راميا ورامية مصريا تأهلوا إلي أولمبياد ريو دي جانير وعدد تاني كبير من اللاعبين 

ربنا يوفقهم جميعا ويرجعولنا بمديليات ويرفعوا اسم مصر في ريودي جانيرو.

الشيكولاتة تسبب أزمة للعالم

بحث أمريكي جديد أكد أن العالم سيواجه أزمة كبيرة الفترة اللي جاية بسبب الشوكولاتة، بسبب الإقبال الكبير خاصة من الدول المتقدمة علي شرائها وبمعدلات ضخمة.

ويقول البحث أن متوسط استهلاك الفرد يصل إلى 286 لوح شوكولاتة سنويا وأن الدول مش هتقدر تصرف علي الشوكلاته بنفس الكمية دي الفترة اللي جاية خاصة وان زراعة الكاكاو مبتزدش في العالم.

وطبعا سويسرا علي قائمة الدول الأكثر استهلاكا للشكولاته في العالم والفرد تقريبا بياكل 9 كيلو شوكلاته سنويا وده ضعف استهلاك المواطن الأمريكي وبعد سويسرا تيجي ألمانيا بـ 7.9 كيلوجرام ثم الأيرلنديون والبريطانيون بـ 7.5 كيلوجرام لكل منهما وبعدين النرويجيون بـ 6.6 كيلوجرام.

أما بالنسبة لمصر فالدراسات بتأكد أننا بنستورد سنويا بحوالي 100 مليون جنيه شوكلاتة.

افقد 45 كيلو بسبب ريجيم البيتزا

شيف أمريكي إسمه كوتسولينو، فقد 45 كيلو من وزنه بسبب الاستمرار لمدة سبعة شهور في أكل البيتزا فقط.

وعن تجربته قال كوتسولينو إن السبب الرئيسي في زيادة وزنه كان أكله للحلويات بكميات كبيرة، قبل ما يقرر ياكل بيتزا بس ويبعد تماما عن الحلويات.


الكلمات المتعلقة‎


مواضيع ممكن تعجبك