تستمع الآن

مارينا محفوظ

الحياة فُرص و اللي بيوصل للي هو عايزه هو اللي بيكون مُستعد للفرصة.

بحب الراديو من زمان من قبل ما أكون مذيعة راديو و مانفسيش أبقي مذيعة تليفزيون !

.درست علاقات عامة و إذاعة و تليفزيون في جامعة عين شمس و القاهرة

من وأنا في المدرسة كنت بكتب مقالات و ببعتها للمجلات و كانت بتعجبهم وكنت بتفاجيء إنها بتتنشر ، إشتغلت في مجلات مصرية و أجنبية و إتنقلت من مكان لمكان و إشتغلت فترة في شركة ملهاش علاقة بالإعلام و بقولوكوا الكلام ده عشان تفضلوا تحاولوا كتير في أي حاجة بتحبوها لحد ماتوصلولها ، المهم يكون عندك موهبة حقيقية و تكون موهوب مش موهوم.

الموضوع كله بيكون عبارة عن سعي و إجتهاد و موهبة و شوية حظ مع توفيق من عند ربنا.

والمثل بيقول لكل مجتهد نصيب. مقالش لكل موهوب نصيب أو لكل حالم نصيب. لأ اللي بيجتهد و بيسعي و بيتعب هو اللي بيقدر يوصل للحاجة اللي هو عايزها ، و بقول اللي بيجتهد مش اللي بيزِن

عملت إعلانات كتير بصوتي و شاركت في دبلچة مسلسلات أمريكية و هندية و أفلام كارتون.

مابحبش الأكل و مابحبش الشوبينج . بحب السباحة و أي حاجة فيها مياه و البحر ثم البحر ثم البحر… حكمتي المفضلة : الصبر ، البحر ، البساطة ، البطاطا… و دايماً بقول : ربنا يدي كل واحد علي قد نييته.

برامج مارينا محفوظ