كريم خطاب

اسمى بالكامل كريم عبد الوهاب على خطاب، من مواليد 2 مارس.. يعنى حوت اصلى .

اتخرجت من تجارة خارجية قسم لغة انجليزية و اشتغلت فى مجال الموارد البشرية من وقت دراستى بالجامعة لحد ما حصلت الصدفة اللى غيرت حياتى.. و هى عملى بمجال الاعلام.

قدمت برامج كتير فى قنوات تليفزيونية و محطات اذاعية بس بصراحة … نجوم اف ام غير 🙂

هواياتى كتير بس اهمهم ميولى الفنية،بحب المزيكا و بكتب و بلحن و بحب جدا السينما كمشاهد و كناقد كمان.

بحب الكرة جداااا .. و بشجع ارسنال و برشلونة و ميلان و باريس سان جيرمان و بايرن ميونيخ و مش لاقى حد يكسبنى فى البلاى ستايشن 🙂

بحب الاكل جدا .. بس مابحبش السمك و المانجو!

بحب بيتى اوى و بحب اصحابى اوى

صعب اوى اقتنع بأى حد بسهولة بس لو حصل .. هايبقى اكيد يستاهل.

حياتى مليانة صدف .. علشان كدة انا بحب الصدف و بستناها جدا.

اكتر مقولة دايما موجودة قدام عينيا .. محدش بياخد اكتر من نصيبه و اكيد محدش هاياخد نصيبك مهما حاول 🙂

 حاليا بقدم برنامج “في الاستاد” يوم الإثنين من كل أسبوع الساعة 8 مساءا.

برامج كريم خطاب