تستمع الآن

رنا خطاب

اسمي رنا عمر خطاب، اتخرجت من كلية آداب قسم إرشاد سياحي انجليزيي وإتجوزت وأنا في الجامعة وعندي ولدين ربنا يخليهملي اسمهم كريم ومروان.

من مواليد برج الحوت والحمل عيد ميلادي 21 مارس يعنى يوم عيد الأم والحقيقة الموضوع ده مضايقنى عشان بيجيلي هدية واحدة بدل هديتين، لكن برضه بحبه عشان بحس إنه عيد والناس كلها فرحانة في اليوم ده.

أما عن هواياتي غير التسوق والسفر والكلام ده، فأكتر هواية بحبها هي شراء الكتب. بحب جداً اليوم إللى باروح فيه المكتبة وأشترى كتب والأهم من الشراء انى افتح السلوفان بنفسي. وبحب أتفرج على أفلام كارتون جداً لحد دلوقتي وأحلى شخصية كارتونية بحبها هي

tom&jerry و Donald Duck.

الأكل ده بقي لعبتي! أنا وزنى اصلاً حوالي خمسين كيلو , أكلتي المفضلة هي الجبنة الشيدر السايحة، بس ماتتريقوش زي كل الناس! وعلى رأى المثل

“كل اللي يعجبك وإلبس إللى يعجبك برضه “

حكمتي المؤمنة بيها: “فاقد الشيء يدور عليه

بقدم برنامجين على نجوم إف إم: “بنشجع أمهات مصر” وبرنامج “أسرار النجوم“.